Drama Filadelfian, tragedia New Yorken

Harmailatik ·
Hawks harrigarri batzuek eta Antetoren Bucksek Ekialdeko finalean neurtuko dituzte indarrak, Sixers eta Nets faboritoak zazpigarren partidan kanporatu eta gero

Sergio Eguía

Lunes, 21 de junio 2021, 23:01

Duela bi denboraldi, denboraren mugan zegoen hiruko batek Embiid eta bere Sixers jaitsi zituen denboraldirako borrokatik. Aurten, ezustean, Trae Young makarraren Hawksak izan dira talde bikain hau kalean utzi dutenak. New Yorken berriz, beste hiruko bat, Durantek legez kanpo eginda, izan da Nets taldea lehiatik kanpo utzi duena.

Atlantakoen seriea bikaina izan da. Sixers taldearen konfiantza arazoak aprobetxatu dituzte markagailua iraultzeko. Izan ere, Doc Roversen mutilak kanporatzea drama bat da, dena baitzuten txapeldun izateko. Inork ez zuen espero gertatutakoa. Baina bere zortea, agian, gehiegi fidatu diote Simmons australiarraren talentuari, oso jokalari ezberdina baita. Ziur asko, garai bat markatuko du zelaiko bost postuetan bere burua defendatzeko gai izateagatik. Askok diote 21. mendeko Magic dela. Baina oraindik asko hobetu behar du alderdi psikologikoan.

Atlantak, aldiz (gora zu Bogdan Bogdanovic), play offean egoteko aukerarik ere ez zuen denboraldiaren hasieran. Hala ere, ezin da inoiz baztertu Clint Capela bezalako jokalaria duen talde bat. Suitzarra munduko pibot onenetakoa da, defendatzaile zoragarria eta, zalantzarik gabe, gutxietsiena. Azkenean, Youngen harrokeria Embiidena baino handiagoa izan da. Eta biek dute ego gehiegikeria nabarmena.

Trae Young eta CLint Capela pozik Ekialdeko finaletan sartu eta gero. AFP

Beste finalista Milwaukee da. Giannis Antetokounmpo. The Greek Freak. Kirolaren jainko bat jada, eta eraztuna irabazteko lehen faboritoa izatera pasatzen dena. Merezi du greziarrak. Bere lidergopean Bucksek Brooklyn zirudien zapalgailua geldiarazi du, Kevin Durantek serie historikoa egin badu ere.

Baina Hardenen arazo fisikoekin eta Irving lesionaturik kanpora egon dela kanporaketaren laugarren partidatik... Joko antolatzailearen martxarekin Netsek euren abantaila galdu zuten. Antetok hori ikusi zuen, eta laneko buzoa jantzi zuen defentsatik lehia berdintzeko eta hilzorizko finalerdi bat irabazten amaitzeko. Azken partidako arauzko denborako azken jokaldiak joko honen emozio eta handitasun guztia laburbiltzen du.

Milwaukeek 109-107 irabazten zuen. Sei segundo falta ziren Netsen azken jokaldi baterako. Eta 'Durantula'k bazekien distira egiteko ordua zela. Zerbaitegatik da «munduko onena», Antetoren esanetan. Jokaldia ezin ikusgarriagoa izan zen, itzuli erdian eta 6,74 metrotatik 'hirukoitz' sinestezina lortu zuen Durantek, ikusleek eserlekuetatik salto egitera eramanez.

Kevinek pistan ospatzen zuen, markagailuek distiratzen zuten hiruko historikoa iragarriz. Baina tiroa 6,74 metrotatik izan zen. Eta hiruko marra 6,75era dago. Kevin hiruko lerroa zapaltzen ari zen. Milimetroengatik. Arrakasta eta porrota bereizten dituzten milimetro horiek. Euren burua garailetzat zuten Nets batzuentzako erabateko tragedia izan da luzapenera joan beharra. Biko saskiratzearekin 109ko lehia berdinduta geratu zen eta denbora gehigarri horretan Antetok ez zion partidari ihes egiten utzi.