Zornotzako 66. Nazioarteko Krosak 600dik gora atleta bilduko ditu datorren igandean

Zornotzako Nazioarteko Krosaren 66. edizioa jokatuko da datorren igandean, urtarrilaren 5ean, Bizkaiko herriko Jauregibarriako landetan, eta 600 atleta baino gehiago bilduko ditu, antolatzaileek astelehen honetan iragarri dutenez.

Hamar lasterketa izango dira igandean, ondoko kategoria hauetan: kimu, haur, kadete, gazte, junior eta absolutua. Nazioarteko proba absolutuak eguerdi aldera izango dira: 12:30ean emakumeena (8,7 kilometro) eta 13:15ean gizonezkoena (10,7 kilometro).

Gainera, bosgarren urtez jarraian, bi kilometroko lasterketa paralinpiko bat egingo da. Lasterketa herrikoi bat izango da: federazioaren lizentziarik ez dutenek ere parte har dezakete eta asteazkenetik izena eman ahal izango da www.cdzornotza.eus web orrian.

Atletismoko Europako Federazioaren European Athletics kros proba ofizialen zirkuituan dago Zornotzako lasterketa, bai eta Espainiako Atletismoren, Euskadiko Atletismo Federazioaren eta Bizkaiko Atletismo Federazioan egutegi ofizialetan ere.