Zine onenaz gozatu nahi duzu?

'Zinea Zetaz' euskal zinemari eskainitako tartea ostegunero izango da ikusgai ETB1en eta eitb.eus-en, 22.30ean. Ostegun honetan izan da estreinaldia, Itziar Ituñok eta Eneko Sagardoyk aurkeztuko dute programa. Ikusleok Euskal Herrian ekoiztutako filmez gozatzeko aukera izango dugu. Txandaka arituko dira bi aktoreak, ikusgai izango den pelikularen xehetasunak ematen.

Udazken honetarako eskainiko dituzten filmak hauexek dira: 'Bazen behin Euskadin' (2021, Manu Gómez); 'Nora' (2020, Lara Izagirre); 'Ane' (2020, David P. Sañudo); 'Ilargi guztiak' (2020, Igor Legarreta); 'Handia' (2017, Jon Garaño eta Aitor Arregi); eta 'Handia' (2018, Koldo Almandoz).

Horrela, irailaren 14an, estreinaldian, 'Bazen behin Euskadin' eskaini zuten. 1985ean kokatzen da filma, ikasturtea amaitu da eta azkenean oporrak iritsi dira. Marcos eta bere hiru lagunak, Jose Antonio, Paquito eta Toni, udaren etorreraren zain daude, eta hori beti da esperantzagarria, batez ere hamabi urterekin ez duelako axola non, ez noiz, ez nola. Orduak emango dituzte bizitzak eman dien lekuan, terrorismoak trabatutako Euskadi nahasi batean.

Datorren ostegunean, hilak 21, 'Nora' ikusteko aukera izango dugu. Norak 30 urte ditu, Nicolas aitona argentinarrarekin bizi da eta bere bizitza ez da berak imajinatzen zuena. Lan txikiak ditu eta ia ez da bere herritik atera. Aitona galtzen duenean, Euskal Herriko kostaldetik bidaia bat hastea erabakiko du, bere errautsak amonarenekin batera eramateko.

Ondoren, 'Ane', Gasteiz, 2009an. Auzoan izandako istiluen ostean, Lide ama gazteak bere alaba nerabea, Ane, etxera joan ez dela jakingo du. Lide, Fernando senar ohiarekin batera, alaba non dagoen ikertzen hasiko da, Aneren munduan murgiltzen eta ezezagun batekin bizi izan dela konturatzen.

• Temas
• EITB
• Euskera
• Zinema