Ba al zenekien animalia batzuek lurrikarak iragar ditzaketela?

Animaliek ingurugiroan gertatzen denaz haratago sumatzen dute. Izatez, lurrazpian gertatzen denaren jakitun dira ere. Zentzu horretan, lurrazpiko urak sentitzen dituzte beraien hankekin, eta lurrikara bat non eta noiz gertatuko den iragarri ditzakete, inolako akatsik izan gabe. Horren adibide da, zientzialarien hitzetan, lurrikara bat gertatu baino une batzuk lehenago animaliek izaten duten jarrera arraroa, eta kasu batzuetan, bitxia.

Izan ere, 2009. urtean zenbait ikerlarik lurrikaren aurretiko animalien jarrerak ikertu egin zituzten. Kasu hartan, urmael bateko apoak izan ziren protagonistak. Antzeman zutenez, ehundaka apok putzutik ihes egin zuten, denak aldi berean eta abiadura handian. Baina ikerlari hauen lana ez da munduan zientzialariek honen inguruan jorratu izan duten ikerketa bakarra. 2003.urtean esate baterako, ikerlari batek Japonian aztertu zuenez, txakurrek ere zaunka gehiago egiten dute lurrikara bat izan baino aurreko egunetan.

Erleek ere, eztia ekoizteaz eta polinizazioaz gain, eguraldia iragartzeko premiazko animaliak dira. Giroan dagoen hezetasunaz baliatzen dira euria iragartzeko. Erle-populazio bat, segundo gutxitan hutsik geratzen baldin bada, hobe esku artean aterki bat badaukazu, ekaitza une batetik bestera hasiko da eta.

Beste alde batetik, etxean katuren bat baldin badaukazu, eta bat batean geldiezinik jartzen baldin bada, etxetik irten nahian, kezkatzeko unea heldu dela esan nahi du horrek. Katuek hondamendiak iragarri egiten dituzte, hala nola, lurrikarak edota sumendien erupzioak. Horrela baieztatu zuten, hain zuzen ere, ikerlariek Japonian 2011n gertatu zen tsunamiaren aurreko egunetan katuek izandako jarrera ikertuz.

Elefanteek ere izugarrizko abilezia omen daukate horretarako. Izan ere, 2004. urtean Tailandiako eta Indonesiako kostaldeak bizitako tsunamiaren ordu batzuk baino lehenago, elefanteek altuera handiko mendi edota tontorretara ihes egin zuten. Animalia erraldoi hauek oso belarri fina daukate eta gizakiontzako kobraezinak diren uhinetan entzuteko ahalmena daukate.

• Temas
• Tailandia
• Txakurrak
• euskera