Ba al zenekien bihar planetaren ordua ospatuko dela?

Urtero egin ohi den bezala, martxoko azken larunbatean, aurten hilaren 27an, hau da, larunbat honetan, Planetaren Ordua ospatzen da. Kanpaina horrek pertsonak, erakundeak eta enpresak ordubetez argia itzaltzera gonbidatzen ditu, klima-aldaketari aurre egiteko ekintzen beharraz jabetzea helburu duen ekintza sinboliko gisa.

Ekimenarekin bat egin nahi duenak etxeko argiztapena itzali beharko du iluntzeko 20.30etatik 21.30etara bitartean. Proposamen horren bidez, klima-aldaketari, bizimodu jasangarrien sustapenari, garapen berriztagarriaren sustapenari, basoen, itsasoen eta baliabide naturalen kontserbazioari eta biodibertsitatearen galeraren aurkako borrokari buruz kontzientziatu nahi da.

Dagoeneko hamabost edizio burutu dira Sidneyn, Australian, 'Planetaren Ordua' deituriko lehenengo edizioa ospatu zenetik. Helburua, gaur egun, berdina izaten jarraitzen du: aldaketa klimatikoaren arazoa nabarmentzeko keinu sinboliko bat egitea. Izan ere, keinu xume horren bidez, natura planetaren bizi-euskarriaren sistema dela gogorarazi nahi da.

Marco Lambertinik, WWF Internazionaleko zuzendaria denak bere aldetik, ondorengo hau adierazi du: «2021 hau urte erabakigarria da gizateriarentzat. Mundua covid-19ren pandemiaren hondamenetatik suspertzen eta berreraikitzen saiatzen den bitartean, guk natura jarri behar dugu gure berreskuratze-ahaleginen erdigunean, gure ekonomiak eta gizarteak etorkizunean prest egon daitezen».