Urruzuno Literatura Lehiaketarako proposamenik?

Urruzuno Literatura Lehiaketa hemen da. 38. edizioan, ohi bezala, poesiazko zein prosazko lanak aurkeztu ahal izango dira datorren otsailaren 28ra arte. Txapelketa hau 14 eta 18 urte bitarteko gazteentzat zuzenduta dago, eta literatura zaletasuna eta sorkuntza ditu helburu nagusi.

Horrela, aurkezten diren lanak, euskaraz idatziak eta originalak izan behar dute, lehiaketa honetan izena emateko epea itxi arte bestelako literatur saririk jaso gabeak. Lanak bakarkakoak izango dira, eta gaia libre izango da.

Ikasmailaren arabera, bi kategoriatan bereiziko dira: A kategoria, Batxilergoa eta Erdi Mailako Heziketa Zikloetan dabiltzanentzat; eta B kategoria, DBHko 3. eta 4. mailakoentzat. Kategoria bakoitzean, hamar lanik onenak (bost lan, arlo bakoitzeko) aukeratzeko epaimahaia izendatzen da urtero. Bost idazle daude horien artean.

Saria bost eguneko egonaldia izango da. Egonaldian, idaztearekin zerikusia duten lanketak egiteaz gain, hainbat euskal artista gertu-gertutik ezagutuko dituzte, baita Euskal Herriko zenbait leku ere. Horrez gain, diploma jasoko dute eta euren lanak Sagastiberri izeneko bilduman argitaratuko dira.

Urruzuno Literatura Lehiaketak ibilbide luzea dauka. Izan ere, orain dela lau hamarkada jaio zen, 1986an ospatu zelarik lehen aldiz ekimen hau, Hezkuntza Sailaren eskutik, gazteen artean idazteko zaletasuna bultzatzeko. Iaz, 137 lan aurkeztu ziren orotara, 31 lan poesian eta 106 prosan. Epaimahaia Gari Berasaluze, Peru Iparragirre, Mikel Ayllon, Iratxe Retolaza eta Patxi Zubizarreta idazleek osatu zuten.

• Temas
• Euskal Literatura
• Euskera