Tranbiaren zerbitzu bereziak, Athletic-Spartak Mosku partida dela eta

Ostegunean tranbiak zerbitzu bereziak eskainiko ditu Athletic eta Spartak Mosku taldeek jokatuko duten partida dela eta. Europa League-ko norgehiagoka San Mamesen izango da, 21.05ean.

Euskotrenek jakinarazi duenez, Atxuritik Casillara hamar minutuan behin izaten diren zirkulazioez gain, Pio Barojatik Ospitalera irtengo diren zerbitzu bereziak izango dira 20.01ean, 20.31n eta 20.41ean. Partida bukatu ondoren irteera modu egokian egiteko, 22.50etik 23.10era, gutxi gorabehera, zerbitzua moztuko da Casilla eta Euskalduna artean, eta, behin mozketa bukatuta, Atxurira eta Casillara joango diren zirkulazio bereziak izango dira.

Partidan luzapena badago, tranbiaren zerbitzuaren mozketa neurketa bukatzerakoan burutuko da. Zerbitzua berriz ezartzen denean, zerbitzu bereziak eskainiko dira bi noranzkoetan.

Neurketaren ondoren, San Mamesetik hurbil dauden geralekuetan pilaketak ekiditeko, Euskotrenek Euskaldunako geralekura joatea aholkatzen du, geraleku horretatik tranbiaren zerbitzu bereziak irteten baitira. Bilboko tranbiarako sarrera errazagoa eta azkarragoa izan dadin, Euskotrenek ordaintzerakoan Barik erabiltzailea gomendatzen du.

Bestalde, tren zerbitzuari dagokionez, Bermeotik eta Eibartik Atxurira eta Txorierrin zerbitzu erregularren bitartez eskainiko da zerbitzua partida hasi aurretik. Partida bukatuta, zerbitzu berezia eskainiko da Txorierriko linean (Kukullaga-Lezama 23.45ean eta Lezama-Kukullaga 22.52an). L3 linean ere zerbitzu bereziak eskainiko dira: Matiko-Kukullaga 23.17, 23.32 eta 23.47an, eta Kukullaga-Matiko 23.30 eta 23.45ean.

Luzapena egotekotan, Txorierriko linearen zerbitzu bereziak ondoko hauek izango dira: Kukullaga-Lezama 00.45ean eta Lezama-Kukullaga 22.52an. L3 linean ere zerbitzu bereziak izango dira luzapena egotekotan: Matiko-Kukullaga 23.17, 23.32, 23.47, 00.02, 00.17, 00.32 eta 00.47an, eta Kukullaga-Matiko 23.30, 23.45, 00.00, 00.15, 00.30, 00.45 eta 01.00etan.

• Temas
• Athletic
• Matiko
• Lezama
• Berriz
• euskera