Besarkadaren balioa

Zaila da niretzat azaltzea Supersubmarina taldearen faltak eragin zidan mina. Urte oso bat eman nuen haien abestiak entzun gabe, tristura sorrarazten zidatelako. Garai hartako nire talde kuttunaren osasuna hain ahul ikusteak min egin zidan. Azkenean, gure banda faboritoak gure bizitzaren parte bihurtzen dira maiz. Eta batez ere, nerabezaroan behin eta berriro entzun baditugu.

Duela egun gutxi batzuk Jaime Gandia, Supersubmarina taldeko guitarra jotzailea, jaialdi batera joan zen. Istriputik bere lehenengo aldia zen publiko artean jaialdi batean. Dani Fernandezen kontzertu batera joan zen. Abeslariak 'Supersubmarina'ren bertsioa jo zuen, beti bezala. Baina ez zen beti bezala. Jaime izugarri hunkitu zen. Hebakuntza asko izan ditu 2016 madarikatu hartatik ona. Mina. Tristura. Eta publiko osoa bere abestia kantatzen entzutea zirraragarria izan zen.

Izan ere, emozio hori ez zuen bera bakarrik sentitu. Publikoaren artean Supersubmarinaren zale batek Jaime ezagutu zuen. «Besarkada bat eman ahal dizut?», esan zion neska batek. «Nola ez», erantzun zion Jaimek. Eta momentu berezi hori argazki batek betierekoa bihurtu zuen.

Besarkada eman zion neska taldea maite dugun guztiak gara. Haien abestiekin negar, barre eta salto egin dugun guztiak. Jaime berriro jaialdi batean izateak izugarri pozten nau. Izugarri pozten gaitu. Mina leuntzen du.

Besarkada batek mila esanahi izan ditzake. Ez gara orain mistikoegi jarriko, baina egia da sendagai batzuk bezain indartsua izan daitekela. Aterpea. Babesa. Eta kasu honetan, musika banda batengan sentitzen dugun maitasuna eta esker ona.

• Temas
• Euskera
• Buru-belarri