Pistonek lortu dute! 28 partida jarraian, denak galduta

Paperezko poltsak aurpegian jarrita, zuzendaritzari taldearen salmenta eskatzen zioten bitartean... Horrela adierazi zuten Detroit Pistonsen jarraitzaileek sentitzen duten lotsa. Festa bat egiteko arrazoiak ere izango lituzkete. Azken finean, Michiganekoek errekor bat ezarri dute, ziurrenik inork gaindituko ez duena, ostegunetik ostiralerako gauean Bostonen aurka galdu ostean: 28 porrot jarraian. Bffffff!!! 29 lortzeko gai ere direla uste dute gehienek. Raptors da hurrengo aurkaria.

Orain arte marka absolutua, denboraldi baten amaieran hasi eta hurrengoaren hasieran jarraitu zuen bolada bat kontatzen bada, 2014-2015 eta 2015-2016 urteetako Philadelphia 76ers taldearena da, 28 porrot jarraian izatera iritsi baitziren. Baina errekor hori berdindu egin dute.

Pistonsek bi hilabete daramatzate garaipenik lortu gabe. Txapelketako lehen jardunaldian aurretik bukatu zuten. Bigarrena galdu zuten, hirugarrena irabazi eta kito. Ez dute irribarre gehiagorik egin. Eta jokalari on dezente dituen taldea da: Cade Cunningham, Bogdanović, Joe Harris... Eta gazte pila bat bai. Posible al da hau guztia udan draftaren lehen aukera izateko baino ez izatea?

Denboraldi bakar batean partida gehien galdu duen taldea Sixersak dira. 1973an izan zen. 73 porrot jaso zituzten, eta 9 aldiz bakarrik irabazi zuten. Pistonek 7 partida irabazi behar ditu oraindik marka triste hau ez berdintzeko. Baina, egia esan, ez dute erraza izango.