Leonard NBAra itzuliko da, bere antisemitismoa 'sendatu' ondoren

Meyers Leonard NBAra itzuli da. Bucksek hiruko marratik sar dezakeen pibota behar du, eta Chicagokoa (2.31 m) onenetakoa da arlo horretan. Bi urte daramatza geldirik. Lehenik, Black Lives Matterren kontrako keinu batengatik. Gaizki ulertutako zerbait, Leonard ez da arrazista. Bigarren, Twitterreko Call of Dutyko partida batean aurkari bati 'kike' deitzeagatik. Hau ere zorte txarreko esaldia da. Leonard ez da antisemita. Azkenik, lesio bat izan zuen hanka bateko nerbioetan, eta kosta egin zitzaion sendatzea.

Hiruretatik, bigarrena bakarrik da garrantzitsua. Berak behin eta berriz esan du ez zekiela 'kike' irainak zer esan nahi zuen, baina Heaten jabeak ez zion barkatu. 50.000 dolarreko isuna jarri zion eta taldetik aldendu zuen. 2021eko urtarrila zen. Bi urte geroago, errabino bikote baten laguntza jaso ondoren, itzuli egingo da. 'Sendatu' omen dute inoiz arazoren bat izan badu.

«Nire bizitza eta hura lortzeko lan egin nuen guztia suntsitu berri nuela sentitu nuen. Jendeak eskubide osoa zuen niri buruzko usteak egiteko, eta komunikabideetan komentatu behar zuten. Ulertzen dut», adierazi du jokalariak, etsita.

Leonard jomugan zegoen AEBetako ereserkia entzuten zen bitartean belaunikatzeari uko egiteagatik. Covid pandemian, Orlandoko burbuilan, Black Live Mattters delakoaren eskariak defendatzeko partiden hasieran taldekide guztiak balaunikatu egiten ziren. Baina Leonarden anaia Afganistanen zerbitzatzua prestatzen ari zela (marinea da), jokalariak argudiatu zuen ezin zuela bandera iraindu, naiz eta bera ere Black Lives Matterren alde egon. Askok ez zuten ulertu eta markatuta geratu zen.

Hilabete batzuk geroago, 2021eko urtarrilean, zigorra iritsi zen. Kanpotik ikusita (eta barkamena entzunda) barregarri samarra dirudi. Baina oso gauza larria izan zen. Leonard Twitchen ematen zen Call of Duty bideojoko partida batean beste parte-hartzaile bati oihu egin zion: «Puto koldarra! Ez tiro egin, 'kike' zikina! «.

Gehienek ez zioten garrantzirik eman, baina AEBetako juduen komunitatea haserretu egin zen. 'Kike' oso hitz mespretxagarria da juduei buruz hitz egiteko. Beltz bati 'negrata' deitzearen antzekoa. Leonardek hori horrela zela ez zekiela esan zuen. Ez zekiela zer esan nahi zuen 'kike' hitzak. Irain bat baino ez zela berarentzat, eta ez eraso antisemita bat.

Zergatik da 'kike' irain antisemita bat? Etorkin europarrak AEBetan sartu bezain laster Ellis Islanden konfinatzen zituzten, New Yorken. Mila filmetan ikusi dugu. Bertan, formulario batean datuak hartzen zizkieten, sinatzeko eskatuz. Gutxik zekiten bere izena idazten eta gurutze bat margotzen zuten.

Zerbait xaloa katolikoaren ikuspuntutik, baina ez hainbeste juduentzat, nahiago baitzuten kristau erreferentziak saihestu eta zirkulu batekin sinatzen zutenak. Eta ingleseko 'circle' horretatik (edo 'kykel' hebreeraz) 'kike'ra iritsi zen.

• Temas
• Euskera
• Harmailatik (Sergio Eguia)