Gasoltarrak, NBAn elastikoa erretiratuta duten lehen anaiak

Grizzliesek Marc Gasolen 33 kamiseta erretiratu dute. Inork ez du zenbaki hori Memphisen berriz jantziko. Zeremonian, logikoki, bere anaia Pau egon zen, Lakersek 2023ko martxoan ohore bera eskaini ziotelarik. Gasoltarrak dira NBAn elastikoa erretiratuta duten lehen anaiak.

Gasol anaien txikiak NBAko bere ibilbideko zati handi bat Grizzliesen (2008-2019) jokatu zuen. Frankizia honekin Urteko Defendatzaile Onenaren saria irabazi zuen eta hiru aldiz All-Star izan zen. Memphis pibot talentudun honen bigarren etxea izan zen Pau anaia zaharrenaren urratsei jarraituz nerabe bezala iritsi zenetik. Pau ere Grizzlies taldearekin hasi zen NBAn.

«Ospakizun bat da biontzat . Familia berkoak gara, baina Pauk bere bidaia izan zuen, eta nik nirea», esan zuen Marc-ek zeremonian. «Ezin dut konparatu. Badakit mundu guztiari gustatzen zaiola Pau eta Marc alderatzea, baina niretzat aspaldi gertatu zen hori, eta orain kontua da ikustea zein izango den gure hurrengo erronka pertsona gisa», adierazi du 2,11 metroko altuera duen pibot talentudunak.

Gasol anaiak urte luzez aurkari sutsuak izan ziren NBAko pistetan. Espainarekin ordea aurkarien ametsgaiztoa. Marcek bi Munduko Txapelketa (2006 eta 2019) eta zilarrezko bi domina olinpiko (2008 eta 2012an) irabazi zituen.

«Marcen aurka jokatzen nuenean banekien gau gogorra izango zela. Nire ibilbidean puntu gutxien sartu diodan aurkaria dela uste dut. Nire mugimendu guztiak zekizkien», esan zuen Pauk omenaldian. «Anaia naizen aldetik, gaur gauean Memphisen utzitako ondarea nola ari zaion ohoratzen ikusteak oso harro sentiarazten nau», adierazi zuen jokalari ohiak Marc, gurasoak eta Adria beste anaia txikiarekin egon zena.

39 urteko Marc Gasolek, bere seme-alabekin batera, bere kamiseta kantxako gorenera igotzen ikusi zuen, Zach Randolph taldekide ohiaren ondoren Grizzliesengatik ohore hori jaso zuen bigarren jokalaria izan zelarik.

Eszenatoki gainean, Gasolek, Randolphek, Tony Allenek eta Mike Conleyk, jolasten jarraitzen duen bakarrak, Memphisen osatu zuten taldearen mugarriak gogoratu zituzten. Talde hark zazpi playoffetan egotera eraman zituen Grizzlies apalak eta Mendebaldeko Konferentziako Finaletara 2013an. Urte horretan, Marc Europako lehen jokalaria izan zen Urteko Defendatzaile Onenaren saria irabazten.

Memphisen eman zituen 11 denboraldietan, Marc taldearen lider historikoa izan zen erreboteetan (5.952) eta tapoietan (1.135), eta bigarrena puntuetan (11.684) eta asistentzietan (2.639).

2019ren hasieran, Gasol Raptorsetara pasa zen eta kanpaina horretan bertan berak bere eraztun bakarra konkistatu zuen. Paurekin azken paralelismoan, NBAko Marcen azken taldea Lakers izan zen (2020-21). Ondoren, Espainiara itzuli zen Gironako jokalari gisa.

• Temas
• Euskera
• Harmailatik (Sergio Eguia)