Diruak ez du zoriona ematen (ez, behintzat, kirol-emaitzetan)

Denboraldia amaitu da dagoeneko eta balantzea egiteko unea da. Boston Celtics izan da txapeldun, baina gauza bat bai argi geratu da: diruak ez du zoriontasuna ematen (kiroletan behintzat, ez). NBAn diru gehien jasotzen duten 15 jokalarietatik bakar bat heldu da final laurdenetara. Eta harrituko zara jakinda nor den. Frantsesa da eta oso ondo defendatzen du. Horixe da bai, pentsatuko zenuen azkena.

Hauek dira diru gehien lortzen duten jokalariak NBAn:

Stephen Curry (51,9 milioi dolar) Golden State Warriors Play-Inen geratu zen.

Kevin Durant (47,6 milioi) Phoenix Suns taldea etxera bidali zuten lehen kanporaketan (4-0).

Nikola Jokic (47,6) Denver Nuggets kanporatuak izan ziren 4-3 Mendebaldeko finalerdietan Wolves gupidagabeengatik.

LeBron James (47,6) Los Angeles Lakers 4-1 kanporatuta izan ziren lehen errondan Nuggetsen aurka. Ez zuten zorterik izan Kaliforniakoek, bi partida puntu bategatik galdu baitzituzten.

Joel Embiid (47,6) Lesioek denboraldia izorratu diote Sixerseko izarrari. Fase erregularreko MVPa izan behar zuen, baina ebakuntza-gelatik igaro zen eta ez zuen gutxieneko partida kopurua jokatu saria jasotzeko. Lehen kanporaketan 4-2 eta etxera joan ziren, lortutakoa baino gehiago merezi izan duten Knicks fantastikoengatik.

Bradley Beal (46,7) Phoenixek min hartuta fitxatu zuten, ia ez du jokatu eta taldean sartu zenean ez zuen ezer aldatu

Kawhi Leonard (45,6) Inor ezin da harritu Clippersen porrotaz. Urtero gertatzen zaie. Berdin dio zenbat izar dituzten. Dallasek erraz suntzitu zituen lehen txandan.

Paul George (45,6) Kawhiren laguna. Harden eta Westbrook ere taldean daude, baina Clippersen zorte txarra amaigabea da.

Giannis Antetokounmpo (45,6) eta Damian Lillard (45,6) Milwaukeek beste eraztun bat nahi zuen eta Lillard proiektura gehitzeko ahalegin guztiak egin zituzten. Hazi behar duen taldea da hau. Indianako supersolidoak etxera bidali zituen hasi eta berehala.

Jimmy Butler (45,1) Miamik Bostonen aurka jokatzen zuen. Eta Boston aurten... Argi zegoen inork ez ziela irabaziko, haiek galdu egin beharko zuten, bestela txapelduna nor izango zen argi zegoen.

Klay Thompson (43,2) Mito baten amaiera. Zurrumurruen arabera, ez du berriro jokatuko.

Rudy Gobert (41) Gure gizona! Finallaurdenetara heldu den bakarra.

Fred VanVleet (40,8) Torontoko eraztunaren ikonoa, orain Houstonen eraikitzen ari den talde gazte baten 'agurea' da. Ez ziren play off-era ere iritsi.

Anthony Davis (40,6) 'Batman LeBron'en 'Robin'a. Izar gisa ez du funtzionatzen, ezkutari gisa ere ez. Mutil honena aztertu egin behar da, benetan.

Goikoak NBAn gehien kobratzen duten 15 jokalariak dira. Eta orduan, zenbat kobratzen dute Tatum, Doncic, Towns edo Halliburtonek, Celtics, Mavs, Wolves eta Pacersen izarrek? Ba asko, baina lehen aipatutakoak baino gutxiago. Tatumek aurten 32,6; Doncicek, 40; Townsek, 36 eta Halliburtonek, arraroa badirudi ere, 5,8 milioi. Hori bai, 2024-25ean azken honi 35,5 milioira igoko zaio ordainsaria.

Hori bai, NBAko jokalaririk ordainduena Jaylen Brown da. Izango da hobe esanda. Celticsekoa da 300 milioiko kontratua sinatu duen historiako lehen jokalaria. Ez da zerrendan agertzen, ikasturte honetan aurreko kontratuagatik kobratzen duelako oraindik. 31,8 milioi jasoko ditu, baina datorren denboraldian zenbakiek gora egingo dute eta bere soldata 52,36 milioi dolarrekoa izango da.

• Temas
• Euskera
• Harmailatik (Sergio Eguia)