Cavalierseko Tristan Thompsonek positibo eman du

Tristan Thompson Cleveland Cavalierseko pibotari 25 partidako zigorra ezarri diote dopinaren aurkako kontrol batean positibo eman ostean, NBAk aurreko astean jakitera eman zuenez. Edozeinek pentsa zezakeen jokalari beteranoak zail izango zuela saskibaloian berriro harritzea, baina dena desberdina da NBAn. Amerikan positibo bat ez da ulertzen Europan bezala. Ez dute ideia bera dopinari buruz. Bi substantzia mota daude han. Onartuak eta ez onartuak. Hori da dena. Orduan zigorra izun bat besterik ez da.

Thompson soldatarik gabe egongo da pare bat hil, bere organismoan hazkundearen hormona eta SARM LGD-4033 gehigarriaren arrastoak aurkitu ondoren, muskuluen errendimendua hobetzeko.

Dena den, diruarena ez da arazo bat izango. Jokalari kanadiarra (orain AEBetako pasaportea du) famaren munduan guztiz murgilduta dago, izan ere, Khloé Kardashianen bikotea da eta bi seme alaba dituzte elkarrekin.

Thompsonek asteazkenean hasi zuen zigorra, Clevelandek Milwaukee Bucksen aurka jokatu zutenean.

32 urterekin, pibotak Clevelanden igaro zuen bere bigarren etapa, iaz Los Angeles Lakersetik itzuli ondoren. Jokalariak bederatzi denboraldi eman zituen Clevelanden 2011tik 2020ra, taldea 2015-2016 denboraldian NBAko txapeldun izan zenean, Le Bron James izar moduan zutelarik.

Bostonen, Sacramenton, Indianan, Chicagon eta Los Angelesen jarraitu zituzten etapak, joan den irailean Cavaliersekin berriro itzuli baino lehen.

• Temas
• Baloncesto
• Euskera
• Harmailatik (Sergio Eguia)