'Puntuak eta komak' eta 'Okerbidea' taldeak, Bertsolari Gazteen BBK Sariketaren irabazleak

Bertsolari Gazteen XXXII. BBK Sariketa aurreko ostegun honetan heldu da amaierara. Sariketako finala Zornotzan izan zen, eta Puntuak eta komak eta Okerbidea taldeak izan dira aurtengo irabazleak.

Saioa, azken edizioetako finaletan ohikoa bihurtu den moduan, talde agurrekin hasi zen. Ondorengo 10 bertsolari gazteak izan dira protagonistak: A mailan, Sagutxo kaskarinak 2.0. Bertan, Garazi Ibarretxe, Maddi Aurtenetxe eta Naroa Iturrioz izan ditugu. Bestalde, Puntuak eta komak, non Amaiur Betanzos, Ekhi Zuluaga eta Iradi Barrenetxea izan diren. B mailan, bestalde, TeamRocket taldea izan dugu Ixone Asategi eta Janire Arrizabalagarekin, eta Okerbidean, Iruri Altzerreka eta Peru Irastortzarekin.

Ander Aldazabal Olabarri ibili da aurkezle beharretan. Epaimahaia Ainhoa Arregi Elosuak, Beñat Romero Maguregik eta Mirari Azula Aurrekoetxeak osatu dute. Idazkari beharretan, ostera, Ione Narbaiza Gallastegi aritu da.

Antolatzaileek nabarmendu dute oholtzan eta publikoan egon den giro ona nabarmentzekoa izan dela. Honetaz gain, saioan zehar finalista guztien karikaturak egiten ibili da Unai Gaztelumendi Arandia bertsolari eta ilustratzailea. Karikatura hauek izan dira bertsolariek jaso duten oparietako bat.

Bestalde, kantakera onenaren saria Bittor Altube Sarrionandiak eskuratu du. Aurtengo saria, Unai Iturriaga Zugaza-Artaza bertsolari, idazle eta sortzaileak egindako ilustrazioa izan da.

Sari banaketa ekitaldian, Josu Telleria Ikastolen Elkarteko ordezkariak eta Belate Olabarria Astobiza Bizkaiko Bertsozale Elkarteko lehendakariak parte hartu dute. B mailako txapeldunei Aissa Intxausti Aburruzak jantzi die txapela.

Bizkaiko Bertsozale Elkarteak zorionak eman gura dizkie aurtengo Bertsolari Gazteen sariketa honetan parte hartu duten guztiei. Bereziki bertsolariei, gai-jartzaile taldeari eta epaile taldeari.

• Temas
• Amorebieta-Etxano
• Bertsolaritza
• Euskera