'Plazandreak', emakumezko pilotari bultzada eman nahi dion programa

Olatz Hernández

Viernes, 19 de junio 2020, 23:13

Ostegun gauero emakume pilotariak izango dira protagonista ETB1en. Uztailaren 3tik abuztuaren 27ra bitartean, kateak Plazandreak saioa kaleratuko du. Kantxatik hamabi pilotari pasako dira, lau taldetan banatuta eta saioaren amaieran Euskal Herriko talderik onena zein den jakingo dugu.

Duela hiru hilabete, kirol lehiaketak bertan behera utzi ziren Covid-19aren izurritea dela eta. Denbora horretan, ikusleak partida zirraragarriak ikusteko gogoz daude. Pilotari talde bakoitzak entrenatzaile bat izango du: Reyes Azkoitia, Mikel Inuntziaga, Naroa Elizalde eta Erlantz Garcia, hain zuzen ere. Bestetik, pilotarien artean Irantzu Etxebeste, Nora Mendizabal, Olatz Arrizabalaga, Iera Agirre, Arrate Bergara, Amaia Alai, Andrea Aldaregia, Olatz Ruiz de Larramendi, Naroa Agirre, Ainhoa Ruiz de Infante, Maite Ruiz de Larramendi eta Leire Garai izango dira.

Ampliar

Astero hiru partida jokatuko dira, pilota mistoa erabiliz eta hamabi tantotara. Banaka lehiatuko dira, ondoren binaka eta berriz banaka, talderik onena zein den jakin arte. Ostegunero, 22.30etan ETB1en eta eitb.eus-en, bi talde izango dira lehia horretan eta hiru puntu egongo dira jokoan.

Programa apart honek emakumezko pilotari bultzada eman nahi dio, baita haiei jokoa telebistan erakusteko aukera ere. Pilota zale guztiak pantailaren aurrean batuko dira Iñigo Aiestaran, Elena Azpeitia eta Gentzane Aldaik gidatutako saio hau ikusteko.