Patáx Bilboko Kafe Antzokian egongo da urtarrilaren 16an

Taldekide eta sortzaileetako bat, Jorge Perez perkusionista, Madrilgoa da (Madril eta Boston artean bizi den arren, bertan musika irakasle bezala aritzen da Berklee-n).

Gaur egun, Patáx Espainiako fusio-talde garrantzitsuena da, eta mundu osoan ezaguna den proiektua. 80.000 jarraitzaile baino gehiago ditu Facebooken eta 24 milioi bisita Youtuben.

Bere errezeta magikoa Weather Report, Corea 's Elektric Band, Herbie Hancock, Sixun edo Zawinul Syndicate bezalako jazzaren kondaira ospetsuetatik eta Irakere, Wayne Shorter, Miles Davis, Hermeto Pascoal eta Paco de Luciaren soinu bisionario eta koloredunen eragin boteretsutik abiatzen da. Horrela, Patáxek 'fusio' kontzeptua erabat esploratu gabeko lurralde bateraino gidatzen du, non flamenkoaren, funkaren eta erritmo afrokubatarraren arteko komunikazio fisikoa bere atmosfera konplexu, lehergarri eta magikoen gakoa den.

Harrigarria da, hasiera batean, perkusionista bat Big Band baten konpositore eta zuzendari papera hartzen ikustea … baina Jorge Perezekin, abentura honen burmuin eta motorrarekin, benetan hautsi zen moldea. Jorge ideia baten atzean dagoen gizona da: kontzeptu berri bat, non flamenkoa, funka eta latin jazza uztartzen diren, bakoitza bere esentzia eta identitateaz erabat jabetuta, eta ikuspegi guztiz garaikide batetik. Helburu handinahia, talentua, erabakia, irmotasuna … eskatzen dituena, eta musikari talde aparta, gehiengoak ez dakien, ezin duen, edo ausartzen ez den tokira iristeko gai dena …

Gaur, Patáx jazz fusioaren belaunaldi berriaren adierazpenik freskoena, harrigarriena eta kosmopolitena da. Ezinezkoa da ez aipatzea haren zuzeneko kontzertu ikusgarriak, benetako pasio eta energia leherketak. Mundu mailako fenomenoa.