Parkinsona usain daiteke, EHUko ikasle baten arabera

Doktore-tesia prestatzen ari den Maider Zubelzu Euskal Herriko Unibertsitateko Farmakologia ikaslearen '¿Se puede oler la enfermedad de párkinson?' izeneko artikulua saritu dute. Lan horrek modu enpirikoan azaltzen du gaixotasun jakin batzuk dituzten pertsonek usaimenak detektatzeko moduko usain zehatzak sortzen dituztela. Ildo horretan, azaltzen du seboa biomarkatzaile bat izan daitekeela gaixotasun horren diagnostiko goiztiarrerako. Lanak Medikuntza eta Osasunari buruzko Lilly-The Conversation Dibulgazio Sariaren III. edizioa irabazi du.

Ikuspegi beretik, seboa parkinsonen gaixotasunaren diagnostiko goiztiarrerako biomarkatzaile izateari buruzko lanketa egiten du lanean Zubelzuk, eta gaixotasunaren adierazle goiztiarrak aurkitzeko halako azterlanak finantzatzen jarraitzeko garrantziari buruzko hausnarketa egiten du. Izan ere, 2040rako 12 milioi pertsonak baino gehiagok gaixotasun hori izatea espero da.

«Nire doktorego tesiaren proiektuak parkinsonen gaixotasuna du aztergai eta, horregatik, oso interesgarria iruditzen zitzaidan duela urte batzuk aurkitu zuten alderdi bitxi bati buruz hitz egitea», kontatzen du sarituak. «Joy Milneren historia eta parkinsonen gaixotasuna detektatzeko usainak duen garrantzia adibide ezin hobeak iruditu zitzaizkidan, protagonistak ez baitu zerikusirik komunitate zientifikoarekin eta irakurleak hobeto konektatu baitezake historiarekin eta, ondorioz, eman nahi den mezuarekin», gaineratu du Zubelzuk.

Guztira, 90 hautagaitza aurkeztu dira edizio honetan. Epaimahaiak aurkeztu diren lanen maila handia eta kalitatea azpimarratu ditu, eta gazteen harrobi bikaina goratu du –beren arloetan ikertzeaz gain, garatzen duten zientzia gizartearen gainerakoari zabaltzeko sentsibilitatea eta gaitasuna dute–.

Lilly Fundazioak eta The Conversationek mundu akademikotik datorren gaztelaniazko ezagutza zientifikoa ireki eta ezagutarazteko eta gizarteari zabaltzeko duten konpromisoa islatzen du.

• Temas
• UPV
• Euskera
• Enfermedad de Parkinson