Nevadako unibertsitateko Jon Bilbao katedrarako irakasle gonbidatua aukeratzeko deialdia

Deialdia Nevadako Unibertsitatearen eta Etxepare Euskal Institutuaren webguneetan dago argitaratuta. Bertan agertzen diren xehetasunen arabera, beharrezko dokumentazioa postaz eta korreo elektronikoz bidali beharko da, besteak beste.

Jon Bilbao historialari, bilbiografo eta Renoko Unibertsitateko Euskal Ikasketa Liburutegiaren eragilea izan zenaren jaiotzaren ehungarren urteurrenarekin batera sortu zen, 2014an. Honen helburua, «Euskal diasporari eta euskal kulturari buruzko ikerketa eta ezagutza nazioartean sustatzea eta horretarako lankidetzan jardutea», da.

Onuradunak Nevada Estatuan dagoen Unibertsitate honetako 'Center for Basque Studies'-en (CBS) izan ohi du egoitza, hori baita Ameriketako Estatu Batuetako euskal diasporaren gaineko ikasketetako irakaskuntza eta ikerketa erakunde nagusia.

Horregatik hain zuzen, diru laguntza honek hainbat aukera eskainiko dizkio sarituari, hala nola, euskal Diasporaren ikerketarako trukerako espazioak garatzea, lankidetzarako aukera berriak identifikatu eta ideia berriak garatzea, eta baita amerikar ikergune eta ikertaldeetan euskal diasporari buruzko ikerketa txertatzea.