
Paloma Rodriguez-Miñambres
Viernes, 13 de septiembre 2024, 23:29
Luis Garderen bederatzigarren poema-liburuan edadeak -edo heldutasuna izendatu ohi den horrek- ematen duen ikuspegiak bere aztarnak uzten ditu.
Publicidad
Obraren banaketari erreparatuz, zazpi atal dira, urritik (17 poema) apirila (poema bakarra) arteko hilabeteei dagozkienak. Olerki luzeen kopurua mehetuz doa atalez atal, basoan giza ahotsak aienatuko balira bezala.
Alde batetik, poetak naturan pausatzen du begirada (ura, arbolak, zaldiak, elurra) eta, beste aldetik, espazio hori habitatzen duen gizakiarengan (landa-herri bateko eguneroko zereginak), elementu horien arteko kontrastean ardazturik baitaude ia poema guztiak.
Aipaturiko kontrasteak tentsioa sortzen du gogo-aldartean zein hautaketa estilistikoan, errepikatzen diren hitzek giroa eratzea eta zentzuari oratzea ahalbidetzen dutelarik: ehiztariak, noizbehinka solaskidetzat duen alaba, auzokideak, lanabesen izenak (aitzurra, sega, aizkora), piano baten teklak…
'Urrats galduen hotsa'
Luis Garde Pamiela, 124 orr, 15 euro
Irudi boteretsuak darabiltza Gardek bakardardadea, heriotza edo oroimenaren gainean eta adjektibazio aberatsa nabarmentzen da, bereziki, lehen atalean, maiz hirutan azaltzen baitira multzokaturik: 'Idorrak, latzak, erabilezinak' (18 orr.), 'aseptikoak, kolektiboak, errugabeak' (30 orr.). Itxituraren irudia argigarria begitandu zait, 'alanbre-hesiaren beste aldetik' (20 or.), 'arantzako alanbrea' (60 or.). Izadiak giza mugak gainditzen ditu; halere, gizakia tematu egiten da hura menderatzen gure izate-eremua balitz bezala, naturak gizakien presentziarekiko axolagabe jokatzen duela -paisaia eder batean suizidioa gertatu daiteke- konturatu gabe.
Publicidad
Errealitate bat erakusten dute Garderen bertsoek, bukolikoa ez dena, ezta samurra ere. Gure hirietan gauden bezala itxita, naturarekin dugun harremana ez da herriko batena. Poetak gogoratu nahi digu biziera ez dela 'Beatus ille' topikoarena. Edo ez hori soilik. Bestelakoa.
Accede todo un mes por solo 0,99€
¿Ya eres suscriptor? Inicia sesión
Te puede interesar
Publicidad
Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación.
Si continúa navegando acepta su uso. ¿Permites el uso de tus datos privados de navegación en este sitio web?. Más información y cambio de configuración.