Borrar
Martxan dira ikasturte honetako tokian tokiko Bizilabe guneak

Martxan dira ikasturte honetako tokian tokiko Bizilabe guneak

Hamar eta hamazazpi urte bitarteko gazteentzako eskaintza honek zientziarekiko eta teknologiarekiko interesa eta motibazioa, ekintzailetasuna eta sormena lantzen ditu

Zurekin

Viernes, 12 de junio 2020, 19:47

Bizilabe tokian tokiko gazteen artean zientzia eta teknologia bultzatzeko aisialdiko ekimena da, eskolaz kanpo, ikasturte osorako programa eskaintzen duena. 10-17 urteko gazteentzako eskaintza honek zientziarekiko eta teknologiarekiko interesa eta motibazioa, ekintzailetasuna eta sormena lantzen ditu. Eta horretarako, tailerretan parte hartu eta proiektuak egingo dituzte gazteek, STEAM (Science, Technology, Engineering, Art and Mathematics) arloetako profesionalekin eta hezitzaileen laguntzarekin, haien gaitasunak garatu eta jabekuntzan aurrera egiteko. Orain arte, Bilbon, Elgoibarren, Ermuan, Soraluzen, eta Nerbioi-Ibaizabal eskualdeko udaletan izan du presentzia, eta ikasturte honetan, lehen aldiz, Tolosaldean ere eskainiko dira Bizilabe ekintzak. 2020-2021 ikasturtean, besteak beste, Bilbon, Elgoibarren eta Tolosaldean izango dira.

-'Izan ikertzaile eta asmatzaile' ikasturteko programa (2005-2010 urte-bitartean jaiotakoentzat). Bizilabera astean behin etorrita, lagunekin eta talde-lanean, proiektu edo ikerketa zientifiko edo teknologikoak egiteko programa da.

-Bizilabe tailerrak. Zientzia eta teknologiako gai zehatz baten inguruko 6 saioko tailerrak dira, gai horretan profesionala den ikertzaile batek gidatuak. 12 urtetik aurrerako gazteentzat dira. 2020ko urritik 2021eko ekainera

Sustatzaileak: Elhuyar eta Bilbao Ekintza (Bilboko Udala).

-'Izan ikertzaile eta asmatzaile', ikasturteko programa (2007-2010 urte bitartean jaiotakoentzat). Bizilabera astean behin etorrita, lagunekin eta talde-lanean, proiektu edo ikerketa zientifiko edo teknologikoa egiteko programa da. 2020ko urriaren 2tik 2021eko maiatzaren 28ra.

-'Ekin energiaz!' zientzia eta teknologiako tailerra. 10-14 urte bitarteko gazteek energiarekin zerikusia duten esperimentu ikusgarriak egingo dituzte gaian aditua den ikertzaile batekin. Saioak goizez izango dira. 2020ko abuztuaren 31tik 2021eko ekainera

Sustatzaileak: Elhuyar eta Elgoibarko Udala.

-'Izan ikertzaile eta asmatzaile' ikasturteko programa (2007-2010 urtean jaiotakoentzat). Bizilabera astean behin etorrita, lagunekin eta talde-lanean, proiektu edo ikerketa zientifiko edo teknologikoa egiteko programa da. Tolosan edo Villabonan egingo da, egunaren arabera. 2020ko urriaren 6tik 2021eko ekainaren 17ra.

Esta funcionalidad es exclusiva para suscriptores.

Reporta un error en esta noticia

* Campos obligatorios

elcorreo Martxan dira ikasturte honetako tokian tokiko Bizilabe guneak