Katy Perryren 'Teenage Dream' albumak 10 urte bete ditu

Ze azkar pasatzen den denbora! Hamar urte pasa dira Katy Perry abeslariak 'Teenage Dream' albuma kaleratu zuenetik, hainbat abesti arrakastatsuz osaturik dagoena. Kaliforniarrak Instagrameko profilean ospatu zuen urteurrena, post bat publikatuz: «Zorionak 10. urtebetetzean, Teenage Dream. Eskerrik asko zuei entzuteagatik».

Disko horri esker hainbat Grammy eskuratu zituen artistak, horien artean urteko albumaren eta Pop Vocal-eko albumik onenaren sariak zeudelarik. Gainera, Teenage Dream osatzen duten abesti ia denak musikaren legendan bilakatu dira. Ia ezinezkoa da horietako bat behintzat inoiz entzun ez izana. Diskoari izena ematen dion abestiaz gain, nork ez ditu ezagutzen 'California Gurls', 'Firework', 'E.T.' eta 'Last Friday Night' kantuak, esaterako? Kantu horiek guztiak Billboard zerrenda musikalaren lehenengo postuan egotera heldu ziren. Denak Capitol Records seilu diskografikoarekin sortuak.

Hamar urte hauetan Katy Perry artista askorekin ibili izan da kantuan, hamaika kolaborazio eginez. Hala nola, Snoop Dogg, Bonnie Mackee, Dr. Luke, Max Martin, Benny Blanco, StarGate eta Ester Dean artistekin aritu izan da kaliforniarra. Horiei gabe, bere abestiak ez lirateke gaur direna izango. Baina ez hori bakarrik, 3 milioi kopia salduta, disko multiplatino izatera heldu zen artista gaztea.

Bere jarraitzaileek ezin dute sinistu hainbeste denbora pasatu denik, eta mila mezu izan ziren artistaren sare sozialetan idatzi zituzten nostalgia mezuak. Bestalde, Ferras, Sarah Hudson edo Aquaria artistek ere zoriondu egin zuten abeslaria.

Urteurrena ospatzeko oparirik onena izan du abeslariak. 'Smile' disko berria kaleratuko du egunotan, baina ez hori bakarrik. Aste honetan bertan bere lehenengo alaba izan du, Orlando Bloom aktorearekin batera. Zorionak!

• Temas
• Katy Perry
• euskera