Kaliforniak izaki bizidunen larruekin ekoitzitako produktuak debekatu ditu

Kaliforniak izaki bizidunen larruekin ekoitzitako produktuak debekatu ditu. Kaliforniako gobernuak pasa den astean iragarri zuenez 2023. urtetik aurrera ezin izango da Estatu Batuetako estatu honetan animalien atalekin ezer produzitu edota merkaturatu. Gainera, lege berri honek animalien erabilera debekatu egiten du zirkuko ikuskizunetan.

Lege berri hau betetzen ez duten konpainiek 1.700 000 dolarreko isuna ordaindu beharko dute. Izan ere, arropa, zapatak edota animaliez egindako gainontzeko produktuak merkaturatzea debekatua izango dute. Era berean, animaliak zirku ikuskizunetan erabiltzea mugatzen duen legeak, katuen, txakurren eta zaldien erabileraren salbuespena aurkezten du.

Edonola ere, AEBtan aitzindaria den araudi berri honek zenbait salbuespen aurkezten ditu. Neurri honek ez ditu behi, orein, ardi edo ahuntzen larruak aintzat hartzen. Halaber, Estatu Batuetan hain famatuak diren rodeo ikuskizunak ez ditu kontuan hartzen. Sare sozialetan neurri honek kolore guztietako inpresioak jaso ditu, bai iritzi onak eta baita zenbait kritika ere.

Estatubatuar larru industriak 1.000 milioi euro inguru irabazten ditu urtero, eta, hortaz, neurri berri honen aurka egin du erabat Fur Information Council of America elkarteak. Bestalde, AEBko animalien eskubideen aldeko elkarteek txalotu egin dute araudi berria.

Kaliforniako gobernadorea den Gavin Newsomek duela egun batzuk iragarri zuenez: «Kalifornia animalien ongizatean liderra da, eta hemendik aurrera lidertza honek larruen merkaturatzea debekatzea barnebiltzen du».

Gainera, politikari eta negozien gizon hau zirkuko ikuskizunetan erabiltzen diren animalien inguruan mintzatu zen. Bere esanetan: «Nazioartera deklarazio bat egiten ari gara, hartzak eta tigreak bezalako animalia ikaragarriak zirkuetatik at egon behar direla esanez», dio.

• Temas
• California
• euskera