'42 Urduliz', etorkizuneko lanbide digitalerako programazio campusean izena eman ezazu

Bizkaiko Foru Aldundiak '42 Urduliz' programazio-campusean sartzeko izen-emateak ireki ditu astearte honetan. Etorkizuneko profesional digitalak prestatzeko proiektua da, eta aurkezpenean nabarmendu dutenez, 2021eko lehen seihilekoan ateak irekitzea espero du. Urduliz dorrea, Bizkaiko herri horretan kokatua, '42' programa horrren egoitza izango da, Telefonica Fundazioak Aldundiaren laguntzarekin bultzatutako 600 ikaslerentzako programazio-campusa, alegia.

Astearte honetatik aurrera, beraz, izena eman nahi duten hautagaiek www.42urduliz.com webgunean sartu eta euren oinarrizko datuak bete beharko dituzte, ondoren bi 'on line' proba egiteko: 10 minutuko memoria-ariketa bat eta 2 orduko pentsamendu logiko-matematikoko test bat.

Proba horiek campus berrira sartzeko lehen fasea izango dira. Ondoren, hautagaiak «adi» egon beharko dira 'igerilekua' deituriko azken probaren deialdiarekin, izan ere, antolatzaileek nabarmendu dutenez, bertan behin betiko plaza bat lortzeko benetako aukerak baloratzen dira. Proba horretan, hautagaiek 26 egun izango dituzte 13 proiektu egiteko, eta egunean 10-12 ordu egongo dira akademian.

Horretan hautagaiek euren egunerokotasunari eta campusean lantzen den filosofiari aurre egin beharko diete, hots, egokitzeko, gorabeherak kudeatzeko eta erronka berriak konpontzeko modua aurkitu beharko dute.

Ohar batean, Aldundiak azpimarratu du '42' eredua (doakoa, presentziala eta irekia), «20 campusetan baino gehiagotan nazioartean izandako arrakastak bermatzen» duela. Madrilen urtebete daramala esan du.

Aldunditik gogorarazi dutenez, '42' ikasketetara sartzeko ez da beharrezkoa aldez aurreko prestakuntza edo titulaziorik izatea. Nahiko da 18 urte baino gehiago izatearekin eta «ikasteko gogoa, jarrera eta pertseberantzia izatea eta besteekiko lankidetza maximo gisa hartzea». «'42' eredua berdinen arteko ikaskuntzan oinarritzen da: parte hartzean, eskolarik gabe eta irakaslerik gabe, eta horrek sormena adieraztea ahalbidetzen die ikasleei, proiektuak egitean oinarritutako ikaskuntzari esker», diote.

Ildo horretan, nabarmentzen duten bezala, «eredu horren helburua enpresek eskatzen dituzten etorkizuneko programatzaile eta profesional digital kualifikatuak prestatzea da, lan-erronka berriei aurre egin diezaieten. Izan ere, pandemiaren ostean, profil digitalak «inoiz baino beharrezkoagoak dira ekonomia suspertzeko», nabarmendu du Aldundiak.

• Temas
• Urduliz
• euskera