Irakasleen Prestakuntza Unibertsitate Masterra, euskaraz eta online, UEUn

Udako Euskal Unibertsitateak (UEU) Irakasleen Prestakuntza Unibertsitate Masterra emango du datorren ikasturtean. Master honen helburua DBH, Batxilergo eta Lanbide Heziketan ariko diren irakasleak prestatzea da. Horrela, eskolak ikasgela birtualaren bidez emango ditu, EHUko zentro atxiki gisa, eta masterra euskaraz izango da.

Irakasle lana ahalik eta modurik eraginkorrenean erakustea da azkenean batean helburu nagusia. Masterrean ez dira espezialitate guztiak barne hartuko, baizik eta hiru hauek: Giza eta Gizarte Zientziak, Hizkuntza eta Literatura, Natur Zientziak eta Matematika.

Ikasgela birtuala izateak ez du ekartzen ikasleek baliabide gutxiago izatea eskura, izan ere, ikasketak egiteko eta ebaluatzeko behar beste tresna eta baliabideak izango dituzte. Gainera, Berrikuntza ikasgela ere izango dute aukeran, aukeratzen duten hezkuntza zentroan berrikuntza- eta ikerketa-lana egin dezaten.

Egutegiari dagokionez, urrian hasi eta datorren urteko ekainean amaituko da. Jarraipen pertsonalizatua egiten da eta euskal curriculumean oinarritutako ikasketak dira. Ebaluazio jarraitua eta formatiboa erabiliko da, eta ikasketa amaieran egin beharko duten Practicuma Euskal Autonomia Erkidegoko ikastetxeetan egingo dute.

Bestalde, irtenbide profesionalei dagokienez, alde batetik, DBHko, Batxilergoko eta Lanbide Heziketako irakasle moduan aritu ahal izango dira, bestetik, hizkuntza-irakasle gisa, edo baita online modalitatean espezializatutako irakasle gisa ere.

Guztira 120 plaza eskaintzen dira, eta masterraren arduradunarekin harremanetan jarri nahi izanez gero, mezu elektroniko bat bidali ahal zaio hona: a.astigarraga@ueu.eus. Bestela, idazkaritzara zuzenean ere jo daiteke, helbide honetara idatziz: irakaskuntza.masterra@ueu.eus.

• Temas
• Cursos de Verano UPV
• euskera