Gatazka itzultzear dago itunpeko ikastetxeetara

Hiru hilabete geroago, gatazka euskal Gizarte Ekimeneko Zentroetara itzultzear dago. Une horretan langileek 13 greba-egun egin zituzten patronalekin akordio batera iritsi arte. Adostutako dokumentuan, zehazki, lan-baldintza arintzeko, soldatak igotzeko eta lanpostuak blindatzeko neurriak aipatzen ziren.

Kontua da laurogeita hamar egun inguru igaro direla, eta, sindikatuek salatu dutenez, hitzarmena ez dela betetzen ari. Horregatik, mobilizazioak antolatuko dituzte, eta eta auzia epaitegietara iritsiko da ziurrenik. Guztira, 100.000 ikasle baino gehiago dituzten 200 bat eskola daude kaltetuta.

Gaiaz aldatuz, Lanbide Heziketan matrikulatzeko epea ireki da. Datorren ikasturtean ikastaro malguagoak eskainiko dira ikasle guztientzat, baita lan-merkatuan dauden edo langabezian dauden pertsonentzat ere. Lanbide Heziketa arrakastatsua da Euskadin; horregatik, Hezkuntza Sailak aurten baino 6.000 plaza gehiago eskainiko ditu.

Bestalde, azpimarratu behar dugu gure hezkuntza-sisteman alde ilunak ere badaudela. Jokin Bildarratzen Sailak aipatu zuen joan den ikasturtean 218 bullying kasu detektatu zituela. 2021/22 ikasturtean baino 61 gehiago dira. Indarkeria mota desberdinak daude, eta horietako batzuk irakasleen aurka gertatzen dira. CCOOk dio irakasleen laurden bat, gutxienez, indarkeriaren biktima izan dela.

Azkenik, Hezkuntza Sailak eguneratu egin ditu zaurgarritasun indizeak, ikastetxe bakoitzak ikasle pobreentzetarako zenbat plaza gorde behar dituen jakiteko neurria. Datuek gora egin dute Bizkaian, bereziki Ezkerraldean eta, batez ere, Barakaldon. Hango ikastetxeek lau aulkitik bat gorde beharko dute ikasle zaurgarrientzat.

• Temas
• Euskera
• Zorrozkailua
• Hezkuntza