Ikerlari talde batek kontinente bat aurkitu du Europako lurrazalaren azpian

Ikerlari talde batek kontinente bat aurkitu du Europako lurrazalaren azpian. Diotenaren arabera, Groenlandiaren tamainako kontinente ezkutua aurkitu dute. Hauxe orain dela 140 milioi urte inguru Afrika iparraldetik banandu omen zen lur zatia da, hain zuzen.

Ikertzaile taldeak Adria Handia izena jarri dio kontinente berri honi. Douwe Van Hinsbergen-ek zuzentzen duen taldea mediterraneo lurraldearen geologia konplexua aztertzen zegoen bitartean egin zuen topo lur eremu honekin. Ikertzaile taldeak Atlantida izan zitekeenaren ideia baztertu du.

Mendi kateek erakutsi ohi dute lurrazalak nola eboluzionatzen duen. Van Hinsbergen geologoak gaineratu duenez ikerketan aztertu eta behatu dituzten mendi kateen gehiengoa kontinente berberean du jatorria eta hauexek Afrikaren iparraldetik banandu ziren duela 200 milioi bat urte. Edonola ere, Turin-en abiatzen den eta Adriatiko itsasoa zeharkatzen duen lur zati batek ez zituen baldintza konkretu hauek bete, Adria Handia izenekoarenak, kasu.

Kontinente galdu honen aztarnak 30 herrialde baino gehiagoren lurrazala hartzen du. Izan ere, hauxe Espainian hasi eta Iraneraino luzatzen da. Lur eremu honen perimetrorik handiena Europa hegoaldera mugatzen da. Lan talde honek nabarmendu duenez Adria Handia kontinentearen azaleraren gehiengoa sakonera gutxiko itsasoen azpian urperatuta zegoen.

Aspaldi sedimentuek harriak sortu zituzten eta hauexek Europa hegoalde azpian urperatuak izan ziren. Honen bitartez egun hain famatuak diren mendikate eta eskualde hauexek sortu ziren: Alpeak, Apeninoak, Balkanak, Grezia eta Turkia.