Secciones
Servicios
Destacamos
Edición
Secciones
Servicios
Destacamos
Edición
Joan den ostegunean hasi zen Loraldia Festibalaren 9. edizioa, 'Mailua gara!' lelopean, eta antolatzaileak oso pozik daude lehenengo egun hauetan bizi izandakoarekin. «Harrera oso ona izan da eta ikuskizun ezberdinak beteta egon dira. Larunbatean, Gabriel Arestiri eskainitako eguna emozioz beterik bizi izan genuen bere familia bertan izan zelako, eta, nahiz eta gauean euri zaparrada izugarria egin zuen, beste guztia primeran atera zen», azaldu du Amaia Ocerin Loraldiaren komunikazio arduradunak.
Euskaraz sortutako kultur adierazpen anitzez jantzitako jaialdia martxoaren 26an amaituko da, Danele Sarriugartek idatzitako 'Popperra, Afterra, Utopia' ikuskizunarekin. Bertan, Maddi Ane Txoperena eta Maider Arregi bertsolariak, eta Miren Narbaiza musikaria ariko dira eszenan, «ikuskizun itzelarekin» jaialdiari amaiera emanez. Baina, ordura arte, musika, teatroa, dantza, literatura, bertsolaritza, ikus-entzunezkoak… denetarik bilduko du Loraldiak, eta, gainera, ohi bezala, diziplina desberdinen arteko bat-egitea ere proposatuko da.
Momentura arte, Bernardo Atxaga eta Ruper Ordorikaren 'Hautsi da Anphora zuzenean CD'aren aurkezpenaz, Errenteriako HAE orkestra eta Kukai Dantza taldearen 'Eta orain zer?' ikuskizunaz, Gabriel Arestiri eskainitako egunaz, eta Martin Etxebarria eta Oier Aranzabalen 'Kangaroo' poesia irakurketaz gozatu ahal izan dugu. Eta hemendik aurrera hurbildu nahi dutenek Bilboko Kafe Antzokian, Itsasmuseumen, Arriaga Antzokian, Guggenheim museoan, Bidebarrieta Liburutegian, Azkuna Zentroan eta La Terminalen izango dute aukera, besteak beste.
Guztira, 150 artista inguruk parte hartuko dute edizio honetan. Hala, euskal kulturaren erreferentziazko izenez aparte (Benito Lertxundi, Maurizia…), gaur egungo beste sortzaile nabarmen batzuk ere izango dira (Igor Elorza, Ines Osinaga eta Iratxe Fresneda, besteak beste), baita artista berri eta gazteak ere (Formol, Habia, Silitia…).
Jaialdiak iaz hasitako ibilbidea jarraituko du gazte-sormenari eszenatokia eskaintzen dion Loraldia Terminala ospatuz. Ildo horretan, Ocerinek azaldu du «transmisioa» dela bere helburuetako bat, eta, horretarako, izen handietan asko zentratu eta oinarritzen direla modu moderno batean. «Gaur egungo begirada bat eskaini nahi dugu, euren ikuskizunak modu berritzaile batean aurkeztuz, eta, gero, publiko gazteari eta sortzaile gazteei leku bat ere eskainiz. Pentsa ezazue batzuentzat lehenengo esperientzia izango dela oholtza gainean, eta hori oso garrantzitsua da guretzat, beraiek etorkizuneko erreferenteak izango baitira gaur jaiotzen ari diren sortzaileentzat».
Zalantzarik gabe, formula aurkitu dute, izan ere, ikuskizun askoren sarrerak agortuta daude eta beste batzuetarako ez da aukera askorik geratzen. «Abenduan hasi ginen aurtengo izen eta ikuskizunak iragartzen, eta ikusten da gizartea Loraldiaren zain dagoela, itxaroten zer dakarren. Beraz, pozik gaude, bai, baina pena ematen digu leku gehiago ez izateak», dio festibalaren komunikazio arduradunak.
Internet bidez ikusi nahiko zenukeen horietakoa bazara, sentitzen dugu, aurten ez da posible. «'Esperientzia Digitala' proiektuaren bitartez, aurreko bi edizioetan emanaldi bat aukeratu eta interneten eskaini ez ezik, interneterako prestatu genuen. Kontua da aurten ez dugula horrelakorik antolatu, berreskuratu nahi genuelako presentzialtasuna %100ean, eta, gainera, bageneukalako buruan proiektu bat esperientzia digital horretan sartzeko, baina datorren urterako utzi nahi izan dugu erronka potoloa izango delako».
Zehazki, gaurtik aurrera, Loraldiak aukera hauek guztiak eskainiko dizkigu aurrez aurre gozatzeko (informazio gehiago nahi izanez gero, sakatu hemen).
Bas(h)oan II ArtistaK: Beñat Axiari, Joseba Irazoki, Julen Axiari - Non: Itsasmuseum Bilbao - Noiz: Martxoak 15, asteazkena, 19.30ean - Eduki mota: Musika
Informazio gehiago, hemen.
Suirrealismoa Artistak: Logela Multimedia eta Circle of Trust - Non: Arriaga Antzokia - Noiz: Martxoak 16, 19.30ean - Eduki mota: Arte bisualak, break dance, dantza.
Informazio gehiago, hemen.
Eire festa. Irlandako Haizeak (Cóisir Gaeilge) Artistak: Marmara, The Potes eta lagunak (Joseba Iturraspe eta Irati Irizar – McOnak, …) - Non: Kafe Antzokia - Noiz: Martxoak 17, ostirala, 22.00etan - Eduki mota: Musika.
Informazio gehiago, hemen.
Benito Lertxundi. Askatasunari Artistak: Benito Lertxundi - Non: Arriaga Antzokia - Noiz: Martxoak 18, larunbata, 19.00etan. (Sarrerak, agortuta) - Eduki mota: Musika.
Ikuskizun honetarako sarrerak agortuta daude. Informazio gehiago, hemen.
Galerna. Azken bidaia. (Loraldiaren 2023ko produkzio propioa) Artistak: Leioa Kantika Korala - Non: Arriaga Antzokia. Noiz: Martxoak 19, igandean, 19.00etan. (Sarrerak, agortuta). Eduki mota: Musika, korala.
Ikuskizun honetarako sarrerak agortuta daude. Informazio gehiago, hemen.
'Alaska' Artistak: Castillo Suarez, Juantxo Zeberio - Non: Bidebarrieta Liburutegia - Noiz: Martxoak 20, astelehenean, 19.00etan - Eduki mota: Literatura, poesia
Informazio gehiago, hemen.
Elur zuriren hiru heriotzak: Lorazain eguna Artistak: Khontaira - Non: Alondegia – Azkuna Zentroa - Noiz: Martxoak 21, asteartean, 19.30ean. (Lorazainentzat doako ekintza) - Eduki mota: Dantza, musika, teatroa.
Informazio gehiago, hemen.
Mauriziak ez du inor hil Artistak: Eneritz Dueso, Garazi Egiguren, Ines Osinaga, Itziar Garaluce, Julene Gregorio, Lorea Argarate - Non: Alondegia – Azkuna Zentroa (LAN 1) - Noiz: Martxoak 23, ostegunean, 19.30ean. Eduki mota: Disziplina artekoa.
Informazio gehiago, hemen.
Filosofia saiakeran eta fikzioan Artistak: Iñigo Martinez, Olatz Mitxelena - Non: Elkar denda (Poza lizentziatua kalea, 14) - Noiz: Martxoak 22, asteazkenean, 19.00etan. Eduki mota: Literatura.
Informazio gehiago, hemen.
'Tetuán' Artistak: Iratxe Fresneda - Non: Bizkaia Aretoa (EHU/UPV) - Noiz: Martxoak 24, ostiralean, 20.00etan. Eduki mota: Zinema.
Informazio gehiago, hemen.
Loraldia Terminala. Sormen berriaren harrobia Artistak: eRRe, Formol, Habia, Silitia - Non: La Terminal - Noiz: 19:00etatik 23:45era (5 ordu). Eduki mota: Gazte sormena
Informazio gehiago, hemen.
Loraldia Terminala: Erre. Aldarri bat bertsoz Artistak: Aner Euzkitze, Haizea Arana, Leire Vargas, Oihana Arana - Non: La Terminal. T5 - Noiz: Martxoak 25, larunbatean, 19.00etan - Eduki mota: Bertsolaritza.
Informazio gehiago, hemen.
Loraldia Terminala: Album Artistak: Formol - Non: La Terminal. T1 - Noiz: Martxoak 25, larunbatean, 21.30ean. Eduki mota: Teatroa.
Informazio gehiago, hemen.
.
Loraldia Terminala: Nor ez da inoiz galdu? Artistak: Enara González Goikoetxea, Jon Estefane Turrez, Naroa Ruiz Monge - Non: La Terminal. T3 - Noiz: Noiz: Martxoak 25, larunbatean, 20.15ean. Eduki mota: Dantza, musika.
Informazio gehiago, hemen.
.
Loraldia Terminala: Habia Artistak: Amaia Hiriart, Elena Haira, Maia Iribarne - Non: La Terminal. T3 - Noiz: Martxoak 25, larunbatean, 20.30ean - Eduki mota: Musika.
Informazio gehiago, hemen.
.
Loraldia Terminala: Silitia Artistak: Ibai Silicato, Xabier Barrutia - Non: La Terminal. T2. Noiz: 22.45ean. Eduki mota: Musika. Punky-funky-elektro-euskal-rock
Informazio gehiago, hemen.
.
Popperra, afterra, utopia Artistak: Amaia Agirre, Danele Sarriugarte, Maddi Ane Txoperena, Maider Arregi, Miren Narbaiza - Non: Guggenheim Bilbao Museoa – Entzungela - Noiz: Martxoak 26, igandean, 12.30ean. Eduki mota: Bertsoak, literatura, musika
Informazio gehiago, hemen.
Publicidad
Mikel Labastida y Leticia Aróstegui (diseño)
Óscar Beltrán de Otálora y Gonzalo de las Heras
José A. González y Álex Sánchez
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.