Trump Lladosen aurka

Donald Trumpek hasitako gerra komertziala bere lehen biktimak ditu jada. Europako ekonomiak dardarka daude autoak Estatu Batuetara esportatzeko % 25eko muga-zergen mehatxuaren aurrean. Beldurrak familien poltsak eta poltsikoak astintzen ditu, inflazioa jasan baitezakete. Baina super-aberatsen garajeetan ere eragiten du, duten auto kopurua murriztuta ikusi ahal dutelako.

Lladosen garajea, Miamitik burppiekin 'kaskarkeriari aurre egiten' dion espainiar diruduna, Europan egindako luxuzko kotxe hauez beteta dago. Bugattiak, Maseratiak eta Lamborghiniak daude bertan. Interneteko guru honentzat, auto hauek izatea arrakasta lortu duzula munduari erakusteko modu bat da. Gailurrera iritsi zarela. Arrakastaren gailur hori, aldiz, apirilaren 3tik aurrera gorago egongo da, orduan Trumpek % 25eko muga-zergak ezarriko baitizkie ibilgailu horiei guztiei.

Llados ez dago kezkatuta. Behin baino gehiagotan azaldu du dirua berdin zaiola, ez dakiela zenbat daukan bankuan. Berari — Jainkoak aukeratua, bere bideoetako batean azaltzen duenaren arabera — ez zaio axola zergak ordaintzea, bestela Andorrara joango baitzen bizitzera. Hala eta guztiz ere, ikusi beharko da zorroak eutsi egiten dion garestituko diren prezioei. Izan ere, gehien igoko dena, superautoen prezioa izango da.

Dena den, Scope Ratings aholkularitzaren txosten batek zehazten duenaren arabera, luxuzko autoen enpresak izango dira muga-zergak gutxien sufrituko dituztenak. 'Superautoen' eskaria elastikoagoa dela uste du. Hau da, prezioaren aldaketen aurrean bezeroak erantzuteko duen gaitasuna handiagoa da. Hori dela eta, enpresek gaitasun handiagoa dute prezioak finkatzeko, tarifaren igoera kontsumitzaileari helaraziz. Llados bezalako aberatsak izanda, Trumpena eta politikarena berdin zaiela eta beraientzat errazagoa dela zabaltzen dute.

Nolanahi ere, Lladosek superautoak erosteko dirua aurreztu nahi badu, Euskadira etor daiteke. Eusko Jaurlaritzak ostegunean iragarritako laguntza-paketeari helduz gero – euskal industria salbatzeko asmoa duena–, 3.500 euroko dirulaguntza izango luke. Hori bai, bere Lamborghinietako bat txatar bihurtu beharko du.