Etxebarriko kiroldegiko bazkideek Arrigorriagako igerileku estaliez gozatu ahal izango dute

Iragan abuztuaren 12tik aurrera, Etxebarriko kiroldegiko bazkide guztiek Arrigorriagako igerileku estaliez gozatu ahal izango dute, ohiko ordutegian. Instalazio horietara sartzeko, Mugiment sakelako aplikazioa aurkeztu besterik ez da egin beharko, Etxebarriko kiroldegiko bazkidea dela egiaztatzen duena. Izan ere, akordio hori bi udalen jarrera onaren emaitza da, eta, horri esker, Etxebarriko herritarrek beren kirol errutinarekin jarraitu ahal izango dute udal igerilekuetan hobekuntza lanak egiten diren bitartean.

Silvia Sáenz, Etxebarriko Kirol eta Hezkuntza zinegotziak, lankidetza hitzarmen honen garrantzia azpimarratu du, «gure udalerriarekin dugun lankidetzari esker, gure bizilagunek kirol instalazioez gozatzen jarraitzea bermatu dezakegu obrek irauten duten bitartean. Akordio honek, beste behin ere, argi erakusten du zeinen garrantzitsua den udalerrien artean modu koordinatuan lan egitea, gure herritarrei ahalik eta zerbitzurik onenak eskaintzeko». Saenzek gaineratu duenez, «oso eskertuta gaude Arrigorriagako Udalari emandako laguntzagatik. Akordio honek bi udalerriek gure herritarren ongizatearekin eta kirolaren sustapenarekin duten konpromisoa erakusten du».​

Bada, Etxebarriko udal kiroldegiko igerileku estalietan egiten ari diren hobekuntza lanen aurrean, eta Etxebarriko bizilagunei eragindako eragozpenak ahalik eta txikienak izan daitezen, Udalak Arrigorriagako Udalarekin lankidetza-hitzarmen bat sinatzea atsegin handiz hartzen du. Horrela, etxebarritarrek igerilekuez gozatzeko aukera ez dute galduko.

• Temas
• Arrigorriaga
• Etxebarri
• Euskera