Etxebarrik merkataritza-lokalak lokatzeko, erosteko eta modernizatzeko laguntzak emango ditu

Etxebarriko Udalak, Merkabulego!, Etxebarriko Merkataritza Dinamizatzeko Bulegoaren bidez, Etxebarri+ programa jarri du martxan, bi motatako laguntzak emateko: batetik, merkataritza-lokalak alokatzeko eta/edo erosteko laguntzak; eta, bestetik, lokal horiek modernizatzeko laguntzak. Programa honen bidez, Etxebarriko udalerriko merkataritza-hornidura eta agertokia handitu eta hobetu nahi dira, bereziki, tradizioagatik eta kalitateagatik erreferente bihurtu diren negozioei dagokienez.

Lehenengo deialdia hutsik dauden merkataritza-lokaletan eta belaunaldi-erreleboaren bidez jarraipena eman nahi zaien negozioetan oinarritzen da, baldin eta 2023an jarduera hasten badute edo iazko ekainaren 27tik aurrera hasi badute. Alokairurako dirulaguntzak lehen eta bigarren urteetarako kostuaren %50 barne hartuko du, baita abalak sinatzearen ondoriozko gastuak ere.

Laguntzen bigarren deialdia Etxebarrin dauden merkataritza-lokalak modernizatzeko da. Dirulaguntza hori belaunaldi-erreleboaren bidez jarraipena emango zaien merkataritza-lokaletarako izango da, bai eta merkataritza-jarduera berrietarako (2022ko ekainaren 27tik aurrera hasitakoak) edo lehendik daudenetarako ere. Laguntza mota honetan, merkataritza-establezimenduaren azpiegitura eta ekipamendua berritzeko eta teknologia berriak eta berrikuntza sartzeko dirulaguntzak emango dira.

2023ko ekitaldian, Udalaren aurrekontua 20.000 eurokoa da erosteko eta/edo alokatzeko laguntzetarako, eta 20.000 eurokoa lokalak modernizatzeko laguntzetarako. Bi laguntzak ekintzaile edo enpresa guztientzat dira, edozein dela ere haien bizilekua, eta Etxebarrin merkataritza-jarduera garatu nahi dutenentzat.

Zalantzak argitzeko edo kontsultak egiteko, Merkabulegora jo behar da, Etxebarriko Merkataritza Dinamizatzeko Bulegora.

• Temas
• Euskera
• Etxebarri