Emakume Master Cup-eko lau eta erdikoa asteburuan hasiko da

Emakumezkoen eskupilota zorionekoa da, izan ere, gaur egun koronabirusa dela eta egoera berezian gauden arren, aurtengo Emakume Master Cup-eko lau eta erdiko txapelketan inoiz baino parte-hartzaile gehien izango da. Horrela, guztira, 92 pilotari arituko dira jokatzen. Horietatik, 32k pilota mistoa erabiliko dute, eta gainerakoek pilota goxoa.

Larrabetzun hasiko da txapelketa, datorren igandean. Izena emandako emakumeen artean, hamahirurentzat lehen txapelketa izango da. Parte-hartzaileen jatorriari dagokionez, 28 gipuzkoar, 25 bizkaitar, 16 nafar, 2 ipar euskal herritar, 2 errioxar, 10 zaragozar eta 6 bartzelonar arituko da.

Aurreko urteetan bezala, bi kategoria bereiziko dira, jokalariek erabiliko duten pilotaren arabera. Horrela, pilota goxoa erabiliko duten pilotarien finala abenduaren 13an izango da Balmasedan. Pilota mistoa erabiliko dutenei dagokienez, berriz, finala, astebete geroagoa izango da, abenduaren 20an, Arrigorriagan. Tarteka, final-laurdenak eta finalerdiak izango ditugu. Pilota mistoan, final-laurdenak azaroaren 29an izango dira Derion eta pilota mistoko finalerdiak abenduaren 6an izango dira, Sopelan.

Sariei dagokienez, pilota mistoari dagokionez, final-laurdenetara iristen denak 70 euro irabaziko ditu; finalerdietara heltzen denak, 100 euro, txapeldunordeak, 150 euro eta txapeldunak, 300 euro. Bestalde, pilota goxoan, finalerdietan parte-hartzen duenak, 50 euro irabaziko ditu, txapeldunordeak, 75 euro, eta txapeldunak, 125 euro.

Parte-hartzaileen artean Miren Larrarte, Maite Ruiz de Larramendi, Olatz Arrizabalaga, Maider Mendizabal, Patri Espinar eta Leire Etxaniz izango ditugu. Iaz, Miriam Arrillagak Miren Larrarteri irabazi zion finalean, pilota mistoarekin, eta Leire Etxanizek Patri Espinari, pilota goxoarekin.

• Temas
• euskera
• Kirolak