Ekonomisten Euskal Elkargoak krisiaren ondorioak «puntualak» izango direla uste du

Ekonomisten Euskal Elkargoak krisiaren ondorioak puntualak izango direla pentsatzen du. Erakundeak jorratu duen inkestak nabarmentzen duenez, urteko bigarren seihilekoan pandemiak eragindako krisi ekonomikoak EAEri eragiten jarraituko dio, baina, euren ustetan, enpresek ez dituzte kaleratze askorik egingo. Hala ere, ez da egun bateko gauza izango lehengo egoerara bueltatzea.

Ekonomisten gehiengoak uste du enpresa ezberdinak nahiko erraztasun handiarekin moldatu eta egokituko direla ezohiko egoera honetara, langileen gehiengoari eutsiz. Era berean, inkestatuen %25 agertu da kaleratze masiboak egongo direlaren ideiaren alde.

Halaber, ekonomistek egoera latz honi aurre egiteko dinamikarik egokiena aldi baterako enplegua arautzeko espedienteak izan direla uste dute. Gainera, abalak eta finantzaketa lineak eta zerga batzuen gelditzea ere eraginkorrak izan diren neurritzat jotzen dituzte.

Bestalde, telelana konpainia gehienek aintzat hartu duten nahitaezko neurri gisa ikusten dute ekonomialariek. Izan ere, inkestatuen hiru laurdenak dinamika hori eraman du aurrera, enpresen edota erakundeen aktibitatea ez eteteko. Nabarmendu dutenez, ekonomialari askok ere online fakturazioa martxan jartzeko zailtasun asko izan dituzte, %60k ezin izan baitu tresna hori bere enpresetan ezarri eta erabili. Azkenik, inkestan ere euskal ekonomiaren lehiakortasunari zuzenean eragin dioten faktoreei erreparatu egin diote, hala nola, I+G+bri, kontsumo mailari eta langabeziari.

Ekonomisten Euskal Elkargoa erakunde profesional bat da, legez aitortua dagoena eta Euskadin ekonomisten lanbidea antolatu, ordezkatu, babestu eta sustatzeaz arduratzen dena. Gaur egun 5.000 profesionalek osatzen dute erakundea, ekonomiaren inguruko espezializazio eta garapen arlo ezberdinetan antolatuta dagoena, hala nola, Kontabilitatea, Marketina, Ikuskaritza, Fiskalitatea, Lan arloa, Finantzak, Hirigintza, Bulego Profesionalak, Irakaskuntza eta Ikerkuntza, Enplegua, Ekintzailetza etab.