Ekimen desberdinak, doan, Galdakaoko adinekoentzat

Deustutik Santurtzirako ibilaldia ere proposatuko dute Galdakaon. 13 kilometroko ibilbide ederra da Bilboko itsasadarraren ezkerraldetik. Bilboko Deustu, Olabeaga eta Zorrotza; Barakaldoko Burtzeña, Lutxana, Arrontegi eta Erreketako Ibarra; Sestaoko La Punta, Simondrogas, Urbinaga, Iberia eta La Benedicta, eta Portugaleteko beheko aldea eta Santurtziko portua bisitatuko dira ibilaldian zehar. Otsailaren 24an, ostegunean, egingo da txangoa, eta gehienez 30 pertsona joan ahal izango dira. Izena emateko Dinamizazio zerbitzuaren bulegoetara jo beharko da, otsailaren 14tik aurrera, eta, gehienez, persona bakoitzak bi izen eman ahal izango ditu.

Mindfulness tailerra prebentzio praktika bat da, ariketa mentalen bidez egiten dena, eta helburua da arreta oraingo unean jartzea, gauzak gertatzen ari diren bezala sentitzeko, haien gaineko kontrolik egin nahi izan gabe. Izarra Adinekoen zentruan izango da, otsailaren 18tik apirilaren 8ra, ostiralero, 9.30etik 11.30era. Aurrekoetan bezala, izena emateko Dinamizazio zerbitzuaren bulegoetara jo beharko da, otsailaren 9tik aurrera, eta, gehienez, persona bakoitzak bi izen eman ahal izango ditu.

Hori nahikoa ez balitz, automasaje tailerraz ere gozatuko dute galdaoko adinekoek. Gorputza eta osasuna zaintzen trebatzeko parte hartzaileei automasaje baliabideak ematen saiatuko da, eta autoestimua sustatzen, gorputza ezagutuz, gorputza ukituz eta zainduz. Izarra Adinekoen zentruan izango da, otsailaren 11tik maiatzaren 23ra, asteazkenero, 16.00etatik 17.30era. Izena emateko 944 010 545 telefonora deitu behar da, otsailaren 9tik aurrera eta gehienez, persona bakoitzak bi izen eman ahal izango ditu.

Galdakaoko Udalak adinekoentzako duen Dinamizazio zerbitzuak ekintza horiek proposatu ditu «urte berria energiaz, ilusioz eta ikasteko gogoz hasteko, jendea ezagutzeko eta norberarekin erabilgarriago eta gusturago sentitzeko».

Horiez gain, adineko pertsonen beharrei erantzuten die zerbitzuak. Aisialdirako jarduerak proposatzen ditu, IMSERSOko bidaien inguruko informazioa eta jubilatu eta pentsiodunentzako informazioa eskaintzen du (Terma programan, garraioetan deskontuak…), eta orotariko kontsultak eta aholkularitza ematen ditu.

Hori guztia astelehenetan, asteazkenetan eta ostiraletan 10.00etatik 13.30era eta ostegunetan 16.00etatik 18.00etara Gizarte Ekintzako bulegoan (Pontzi Zabala 3, Ardantza Parkean) edota 944 010 545 telefonoan.