
Deserrotzea
Dumitru biluzik ·
Secciones
Servicios
Destacamos
Edición
Dumitru biluzik ·
Koldo Izagirrek 2014an argitaratutako idazlan batean sortu zuen Dumitru pertsonaia. 'Dumitru biluzik' izenburuko liburu honetan pertsonaia hori berreskuratu du, kasu honetan dietarioaren itxurapean eskainitako testuan, haren mundu berezia aurkezteko. Dumitru nerabea dugu, jatorri errumaniarrekoa, aitarekin Euskal Herrian bizi dena. Istorioak asmatzea gustuko du, baita musika ere, eta biolin jolea ere bada. Aitak aldez edo moldez bizimodua ateratzea lortzen du, bizirautea lege den inguru batean. Dumitru institutura doa eta hor Olatzekin bikote berezia sortu du, beraien arteko harremana gorabeheratsua eta batzuetan kontraesankorra baita. Mutilak bere koadernoan idazten dituen hitzetan islatzen den iruditik ondorioztatu daitekeenez, beharbada bere ezaugarri nabarmenena deserrotze sentimendua da, alderdi desberdinetan nabaritzen den deserrotzea. Lehenengo eta behin, begi-bistakoa aipatzeagatik, bere jatorria dago. Jatorri errumaniarrekoa izanda Euskal Herrian bizi da, eta neurri batean behintzat euskaldun sentitzen da. Baina askotan besteen begiradek arrotza dela sentiarazten dute. Eta Errumaniara familia bisitatzera joatea, bestalde, jasangaitza zaio, han ere arrotz sentitzen baita. Jatorriari buruzko kontu hauez gainera, amaren faltak ere areagotzen du sentimendu hori. Amak zeharka iradokitzen diren arrazoiengatik etxetik alde egin zuenez, abandonu sentsazioa nabarmena da pertsonaiarengan. Denaren ondorioz, Dumitruk bere buruarekin eta mundurekin haserre dagoen nerabea dirudi.
'Dumitru biluzik' Erein. 104 orr. 11,50 euro
Bere idazkietan pentsamenduak, gertakari xumeak, istoriotxoak biltzen direlarik, irakurleak eskaintzen zaizkion osagai horiekin poliki-poliki hari solteak lotu beharko ditu argumentu koherentea sortzeko. Eta horretarako oso adi egon behar zaie Izagirreren estiloa markatzen duten eta lotuta dauden bi ezaugarri hauei: elipsiaren erabilera eta iradokizunerako joera. Irakurlearen esku gelditzen baita zatikatutako errealitateari batasuna ematea.
Publicidad
Publicidad
Te puede interesar
Publicidad
Publicidad
Noticias recomendadas
Silvia Cantera, David Olabarri y Gabriel Cuesta
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.