Ba al dakizu zein izan zen Mickey Mousen lehenengo agerpena?

1928ko azaroaren 18an munduko sagurik famatuena jaio zen. Walt Disneyk sortua, Mickey Mouse Steamboat Willie izeneko laburmetraian agertu zen lehen aldiz. Zuri-beltzezko ikus-entzunezkoaren argumentua oso sinplea da: arratoi txiki bat baporezko ontzi bat gidatzen agertzen da txistua jotzen ari den aldi berean.

Pertsonaia berri hori Oswald untxiaren bariazio bat izan zen, Universal Pictures-en jabetzara pasatu zen Disneyren beste marrazki bat zena. Mickey Mousen historia ofizialak kontatzen duenez, Walt Disneyk trenez egindako bidaia batean sortu zuen sagutxoa. Hasiera batean Mortimer deitzekoa zen, baina sortzailearen emazteari ez zitzaion batere gustatu izen hori, eta azkenean Mickey deitzea erabaki zuen.

Baina gaur egun ezagutzen dugun arratoi alaia oso ezberdina izan zen bere sorreran. Haatik, oso modu sinplean zegoen margotuta. Bere begiak bi puntu beltz besterik ez ziren, eta bere belarriak aldiz luzeak ziren, borobilak izan beharrean.

Ba al zenekien Mickey agertu zen lehenengo laburmetraia, Steamboat Willie, Disney industriak kaleratutako lehenengo soinudun filma izan zela ere? Hortik aurrera hamaika film eta ikus-entzunezko ezberdinetan ikusi ahal izan genuen arratoitxoa. Halere, ez zen izan Fantasia (1939) kaleratu zen arte, Mickey faktoriako izarra bilakatu zela. Ia hamar minutu irauten duen film laburrean sagua aztia izateko ikasten ari da, eta gauzak ez zaizkio uste bezain ondo irtetzen. Une hartatik aurrera, Mickey Mousen karrera meteorikoa izan zen.

Disneyk Columbia Picturesekin akordio bat sinatu zuen Mickey protagonista zeukaten beste hainbeste ikus-entzunezko sortu ahal izateko. Munduko arratoirik famatuena, hasiera batean Disney berak ahotsa jartzen ziona, Estatu Batuetako kulturaren ikurrik garrantzitsuenean bilakatu zen, eta, egun, munduko marketinaren inperio handienetako baten irudia da.

• Temas
• Walt Disney
• euskera