Boiseko (AEB) Ikastola 2020-2021. ikasturterako irakasle bila dabil

Boiseko (AEB) Ikastola 2020-2021. ikasturterako irakasle bila dabil. Hautagaiek ingelesa ama hizkuntza izan behar dute eta lanpostua 3 eta 5 urteko umeen gelarako da. Hala, Idaho hiriburuko ikastetxe honek deialdia zabaldu du, bete gabeko plaza osatzeko helburuarekin. Albistea Euskal Kultura atariak iragarri berri du.

Aipatu bezala euskaraz maisuki moldatzeaz gain, hautagaiak ingelesez ondo baino hobeto mintzatu beharko dira. Lanpostuan interesa dutenek urtarrilaren 15a baino lehen bidali beharko dute hautagaitza. Ikastolak gutxienez urtebeteko kontratua eskaintzen du, datorren urteko ikasturte osoa hain zuzen, 2020ko abuztutik 2021ko abuztua bitarte.

Boiseko Ikastolako arduradunek duela egun batzuk gaineratu zutenez, euskaraz eta ingelesez jakitea da garrantzitsuena. Honetaz gain, hezkuntza arloko unibertsitate-titulua eta umeen irakaskuntzan bi urteko edo gehiagoko esperientzia ere izatea aintzat hartuko dute. Eskola curriculumak jorratzen ere eskarmentudunak izan behar dute hautagaiek.

Bestalde, hautaketa prozesu honetan esku hartu nahi dutenek hainbat dokumentu bidali beharko dituzte ikastolara, hala nola, norberaren curriculuma, aurkezpen gutuna, gomendio gutuna eta unibertsitateko kalifikazioen kopia. Agiri guztiak ingelesez egon behar dira. Informazio gehiago nahi izanez gero honako webgune hau kontsulta dezakete: https://basquemuseum.eus/ikastola-teachers-needed/.

Amets bat jarraitu nahian, boluntario batzuk elkartu ziren eta martxan hasi ziren. Ikerketa ordu asko eta asmo tinko honetik, Boiseko Ikastola Euskal Herritik kanpo dagoen ikastola bakarra, 1998ko urrian jarri zen martxan. Guraso talde eta hezitzaile batzuk Euskal ondareez harro eta euren umeek eta euren ondorengoak euskara ikasteko aukera eskaini nahian, amets hori errealitate bihurtu zuten.

• Temas
• Boise
• euskera