Bizikleta gustatzen zaizu? Gozatu Pirinioetako eskaintza amaigabeaz

Jakina da euskal herritarrok zaletasun handia dugula txirrindularitzarekiko eta, are gehiago, mendiko txirrindularitzarekiko. Eta horretaz ari garela, argi dago Pirinioak ezinbesteko txoko bihurtu direla bizikletazaleentzat. Beraz, errepidean edo mendian bi gurpilen gainean ibiltzeko grina baduzu, hor doazkizu plan batzuk, behar bezala gozatzeko aukera emango dizutenak:

Udaberriak mendi-estazio bihurtzen ditu Pirinio erdialdeko eski-estazioak, adrenalina maite dutenentzako 100 bide mapeatu baino gehiagorekin. Peyragudeseko pista guztiak dagoeneko maila desberdinetako lur orotako bizikletentzako (btt) bide bihurtu dituzte, adituen arabera «igoera zein jaitsieretan sentsazio biziak pizten dituztenak». Laster, Saint Laryk, Piau-Engalyk eta Val Louroneko estazioek mota honetako pistak kopiatuko dituzte, bizikleta elektrikoak alokatzeko zerbitzuak eskainiz, gida gisa arituko diren monitoreekin eta asteburuko irteerak girotzeko eskaintza oparo batekin.

Eta mendiez gozatzeko bide jasangarri berriak sortzeko lanaren fruitu, Enduroko eta Jaitsierako Mendi-Txirrindularitzako Munduko Kopa bigarren aldiz antolatuko da inguru honetan, irailaren 6tik 8ra bitartean.

Baina bizikletak ez du zertan pizgarri bakarra izan. Plan aktiboez gain, Pirinio erdialdea zipriztintzen duten herriek euren tradizioen erritmo motel eta pausatuan murgiltzea ere eskaintzen dute. Ostegunetan, Erdi Arotik, Arreau herriak bertako ekoizle guztiak biltzen ditu Udaletxeko etxabean dagoen produktu freskoen merkatu batean. Eta Saint-Laryk bat egiten du ekimen horrekin larunbat goizetan, artisauen belaunaldi berriek ere bat egiten duten azokarekin.

Eta hori gutxi balitz, Loudenvielleko laku handiaren, kanpinaren, gimnasioaren eta aire zabaleko jatetxeen ondoan, Balnea dago, inguruko gune termal nagusietako bat. 4.000 metro karratu baino gehiagoko instalazioak, ariketa fisikoa egin ostean gorputza indarberritzeko. Eta gauza bera inguruko herrietan dauden beste lau spa zentroetan: Valvital Saint Laryn, Edeneo Piau-Engaly eta Ludeo.

Aurten, Piau Engalyn, 1.800 metrotara, mendiko bizikletekin sartzeko aukera egongo da. Bertaratutakoek bide berriez gozatu ahalko dute, bereziki, Badeteraino doan jaitsiera berri batez.

Piau mendiko aterpetxea erreferentzia garrantzitsua bihurtu da naturan barrena esperientziak partekatzea maite dutenen artean, hau da, motxileroen zein familien artean, baita egun batzuetako mendi-ibilaldiez, zeharkaldi luzeez edota bizikleta-bide gogorrez gozatu nahi dutenen artean ere.

Sobrarbeko herriak (Aragoi) bere haranei bizitza gehiago emateko bide bat aurkitu du, bizikletazaleentzat bereziki erakargarria den turismo iraunkor baten aldeko apustua eginez. Duela hamarkada bat baino gehiago hasi ziren antzinako artzainen bideak egokitzen, bizikletaren alde, Bigarren Mundu Gerran eta Gerra Zibilean bonbetatik ihes egin zuten pertsonak igaro ziren lekuetan herrien bizitza eta memoria historikoa berreskuratzeko aliatu bihurtu dena.

Udaberriak bizitza loratzen du Aure, Louron eta Sobrarbe ibarretan, bizikleta protagonista nagusi izanik, sentsazio berriak sortzeko eta naturarekin konektatzeko. Zeren zain zaude eskaintzen zaizkizun aukera guztiez gozatzeko?

• Temas
• Plan
• Euskera