Musikak ez du inolako mugarik. Guztiz ezberdinak diren generoak nahastu daitezke, gogoa baino ez da behar. Horixe da 'Bidegurutzean' izeneko saio berriaren helburua, topo egitea. ETB1ek apirilaren 7an Galder Izagirre musikariak gidatutako programa estreinatuko du.
Publicidad
Estreinaldia baino lehen, 'Bidegurutzean' saioaren arduradunek egundoko jaia ospatu zuten BEC aretoan, covid-aren neurriak kontuan edukiz, hori bai. Asteazken honetan 46 musikari batu ziren programaren inguruan mintzatzeko eta, batez ere, jotzeko. Elkarrekin Gariren 'Bidegurutzean' izeneko abestia jo zuten, baina kanta horren ondoren ez zen musika amaitu. Bikoteak, hirukoteak, talde desberdinak... Belaunaldi eta genero desberdineko artistek elkarrekin abestu zuten streaming bidez jarraitu ahal izan zen ekitaldian.
Programaren atal bakoitzean, hiru gonbidatu egongo dira (taldeak nahiz bakarlariak), adin, ibilbide eta esperientzia-maila ezberdinekoak, hain zuzen ere. Gonbidatu bakoitzari elkarrizketa bat egingo zaio telefono kabina batean; gero, kantu propio bat grabatuko du bertan, eta, azkenik, hiru gonbidatuek bakoitzaren kantu bat abestuko dute elkarrekin. Guztira hamabi atal izango dira.
«Musikariok faltan botatzen dugu gure musika garraiatzen duen erakusleihoa», adierazi du Galder Izagirrek aurkezpenean. Horregatik belaunaldi desberdineko artistak batu nahi izan ditu duela 25 urte Euskadi Gaztean egin zuen bezala. Orduan ere, bere programaren izena 'Bidegurutzean' zen. Beraz, oraingo telebista programa egitea «aspaldiko kontua zen» Berri Txarrak, Kuraia eta Dut taldeen bateria jotzailearentzat.
Lehen atalean, Izaro, Gari eta Skakeitan izango dira protagonista nagusiak. Ondoren helduko dira Niko Etxart, Petti eta Liher; eta Mursego, Joseba Irasoki eta Vulk elkarrekin izango dira hurrengo atalean. Jarraian Evaristo, Dupla eta Sua. Hauek dira beste atal batzuetako hirukoteak: Eñaut Elorrieta + Willis Drumond + Eneritz Furyak; Izaki Gardenak + Mice + Oki Moki; Gatibu + Ezpalak + Grises; Mikel Urdangarin + Maite Larburu + McOnak; Francis + Zea Mays + Kai Nakai; Belako + Amorante + Sara Zozaya; Unai Muguruza + Africa Bibang + Lorea Argarate + Juantxo Glaukoma; Haritz Lete + Kobra + Niña Coyote.
Publicidad
Accede todo un mes por solo 0,99€
¿Ya eres suscriptor? Inicia sesión
Te puede interesar
Publicidad
Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación.
Si continúa navegando acepta su uso. ¿Permites el uso de tus datos privados de navegación en este sitio web?. Más información y cambio de configuración.
