Tallkeko promozio-bideoaren irudia. Samsung

Begiradak hitzetan bilakatzen dituen aplikazioa kalean da dagoeneko

Samsungek TALLK aurkeztu du, ELAko pazienteei teknologiari esker komunikatzeko aukera ematen dien app-a

NAHIKARI CAYADO

Domingo, 4 de octubre 2020, 01:40

Begiradek hitz egiten dute. Pertsona askok esan ezin dituzten hitzak ezkutatzen dituzte. Orain, isiltasuna hautsi ahal izango dute TALLKi esker, Samsungek Luzon eta Irisbond Fundazioekin elkarlanean sortutako aplikazioari esker, alegia. ELAko (Alboko Esklerosi Amiotrofiko) pazienteei dago zuzenduta. Beraien begiradarekin eta Samsung tablet batekin nahikoa izango da komunikatzeko gaitasuna berreskuratzeko. Proiektu berritzaile hori aste honetan bertan aurkeztu da eta bere helburua patologia horiek pairatzen dituzten pertsonei independentzia handiagoa ematea eta haien bizi kalitatea hobetzea izango litzateke, haien zaintzaileen eta hurbileko pertsonena ere hobetzen den aldi berean.

Publicidad

Aplikazioa Irisbond startup espainiarrak garatu du, 'Eye tracking' izeneko alorretan espezializatua dena. Estatuan begi-jarraipeneko teknologian inoiz oinarritu den lehen laguntza aplikazioa da TALLK.

'Eye tracking' teknologia horrek tabletaren kamera erabiltzen du begi niniak eta aurpegiko zenbait puntu bereizgarri lokalizatzeko. Ondoren, eta algoritmo eta adimen artifizial batzuei esker, softwareak begien mugimendua pantaila barruko mugimendu bihurtzen du, teklatu birtual batera sartuz eta erabiltzaileak sartutako testua ahots bihurtuz.

Horrela, begiak erabiliko dituzte teklatu birtual horren bidez idazteko eta ondoren, idatzitakoa hitzez adierazteko. Gainera, aplikazioak aukera ematen du ere erabiltzailearen bilduman esaldiak sartzeko, edozein unetan erraz eta arin adierazi ahal izateko. Bestalde, gehien erabilitako esaldien historia gordetzen du ere.

Este contenido es exclusivo para suscriptores

Accede todo un mes por solo 0,99€

Publicidad