Eskibelgo Atxa, Zaldiaran eta San Kilizen tontorrak, Eskibeletik

Eskibel Gasteiz ondoan dagoen herrixka bat da. Hiriaren hego-mendebaldeko landa eremuaren zati bat da, eta bertatik 7,5 kilometrora dago, Gasteizko mendietan kokatutako haran txiki batean. Herrixkak eraikin gutxi batzuk ditu eta San Lorentzo izeneko eliza bat; azken hori erortzear dago. Eliza horretan tailu erromaniko bat gordetzen da, Eskibelgo Ama Birjina izenekoa, Gasteizko Elizbarrutiko Arte Sakratuaren Museoan ikusgai dagoena.

Eliza ondoan dagoen etxean hasten da ibilbidea, burdinezko hesi batean hasten den bidexkan, eta hortik igotzen hasi behar da. 700 metrora dagoen bidegurutzean eskuinera doan bidea hartu behar da, eta hurrengoan ezkerrera. Bidea basoz inguratuta dago, Eskibelgo Atxaraino.

Behin tontorrean ibilbidera berriro jaitsi behar da, eta bidea hego-mendebalderantz jarraitu. 800 metrora, lehenengo bidegurutzean, ezkerrera egin behar da, eta puntu horretatik ehun metrora eskuinera. Gero bi kilometro aldapa gora ibili behar dira, beste bidegurutze batera ailegatu aurretik. Hortik ezkerrera eginez, Zaldiaran tontorrera heltzen da bidea, bertan alde batetik Trebiñoko konderria, eta bestetik Gasteiz osoa ikus daitezke.

Eskibelera bueltatzeko bi bide daude, igotzeko hartutako bidetik, eta, bestela, Zaldiaraneko antenetatik pasatzean aurkitzen den beste betetik. Bigarren aukera hartzen bada, San Kilizera jaitsi daiteke ere, eta horrela inguruko hiru tontorrak bisita daitezke egun berean.

• Temas
• Álava
• Vitoria-Gasteiz
• Euskera
• Mendia