'Ariguneek' hurrengo edizioaren zutabe izaten jarraituko dute

Ekimenaren sustatzaileek modu oso positiboan baloratu dute entitateek erakutsi duten konplizitatea eta Euskaraldiari egindako atxikimendua. Euskalgintza erabat sinetsita dago «euskararentzako gune erosoak sortzea behar-beharrezkoa dela» haren erabileraren normalizaziorako bidean, eta jakinarazi zuten hurrengo edizioan ere ardatz nagusietako bat izango dela.

Askotariko entitateek parte hartu dute aurtengo edizioan. 'Ariguneak' martxan jartzeko proba bat izan da, eta ondorioztatu dutenez, oso emaitza onak eman ditu. Orotara, 6.800 izan dira euskarari babesa eman diotenak.