21 antzezlan ikusgai Santurtziko Nazioarteko Antzerki Jaialdian

Santurtziko Serantes Kultur Aretoan Nazioarteko Antzerki Jaialdiaren XLIV. edizioa ospatuko da urriaren 26an hasi eta hilabete batez. 21 antzezlan ikusteko aukera izango da eta, berrikuntza gisa, horietako bi kalean izango dira. Bi euskal konpainiak, Kolektivo Konikak, sei emakume artista eta akrobat, eta Trapu Zaharrak, kalera aterako dute jaialdia.

Kolektivo Konikak 'Nire sudur punta' zirko-ikuskizuna eskainiko du urriaren 27an; eta Trapuzaharrak '¡Dale, Ramón!' tramankulu barre eragilea, azaroaren 18an, 2023ko Umore Azokan Euskadiko Ikuskizun Onenaren saria jaso duena. Ikuskizun horiek doakoak izango dira eta Santurtziko parkeko oinezkoentzako gunean antzeztuko dira (euria eginez gero, Gernika parkean egingo dira).

Jaialdiak euskarazko hainbat ikuskizun eskainiko ditu: 'Hobe ixilik' (azaroaren 9an) Ramon Agirre eta Amaia Lizarralderekin; eta 'Kortxoaren dilema' (azaroaren 23an), Patxo Telleriak zuzendutako Tartean taldearen azken lana.

Marcel Gross clown-ak barre eragingo dio publikoari urriaren 29an, 'Mi pequeño universo' lan berriarekin. Azaroaren 5ean, Gorakadak 'Kelonia eta itsasoa' aurkeztuko du euskaraz, antzoki baten bastidoreen artean kontatutako istorio samur eta dibertigarria, zuzeneko musikaren eta objektu-antzerkiaren bidez lotua.

Azaroaren 26an, La Pera Limonera konpainiak 'Un traje nuevo para el emperador' eskainiko du, Hans Christian Andersenen klasikoetako baten bertsio dibertigarri eta zentzugabeena.

Aurreko edizioetan bezala, abonu bat izango da ikuskizun guztietarako (haurrentzako ikuskizunak eta euskarazko ikuskizunak izan ezik). Abonu orokorra 125 eurokoa izango da, eta bazkideentzat 110 eurokoa. Sarrerak leihatilan salgai edo Serantes Kultur Aretoaren webgunean.

• Temas
• Santurtzi
• Antzerkia
• Euskera