Alluitzera igoera, Atxarteko harrobitik

Anboto mendilerroko hirugarren tontorrik garaiena da Alluitz, 1.034 metroko altuerarekin. Mendiaren ezaugarri nabarmenena honen amildegiak dira, 600 metroko hormak dituztenak. Arrisku handirik gabe ailegatu daiteke tontorrera ibilbide honetatik, baina bidea gogorra da. Hiru kilometrotan 700 metroko desnibelari aurre egin behar zaio.

Abadiñoko Atxarteko harrobian dagoen aparkalekutik hasten da ibilbidea, Santo Cristo ermitaren ondoan dagoen bidetik. 250 metro aurrera egin ondoren, ezkerrean 'Alluitz' adierazten duen seinale bat ikustean bide harritsuko bidea hartu behar da. Jarraian igoera leuneko pagadi batean sartzen da bidea.

Basogunea amaitu arte jarraitu behar da aurrera, landaeremu ireki batekin topatu arte, eta bertan malda aldapatsua hartu, Artolako lepora iritsi arte. Bertan goi tentsioko dorre bat eta seinalez betetako zutoin bat daude. Ezkerrean Astxiki dago eta eskuinean Alluitz, ibilbidearen helmuga.

Hemen hasten da zatirik gogorrena eta zailena, 430 metroko desnibela duen aldapa harritsu batetik igor behar delako. Seinaleen zutoinetik abiatuta, eskuinera doan bidea hartu behar da horretarako. Alluitzerantz igotzeko ezkerretik inguratu behar da mendia, ipar-mendebaldetik.

Malda igotzerakoan, harri handi bat aurkituko da bidean, hori inguratu behar da eskuinetik gora jarraitzeko, harri artean eta zenbait puntutan eskuen laguntzaz gailurrera iristeko. Gure erreferentzia ia mendi puntan kokatutako pago bakarti bat izango da. Zuhaitzera iristean, Alluitzeko tontorra pagotik ezkerrera metro gutxira dago.

• Temas
• Euskera
• Abadiño
• Bizkaia