Alkatxofa jatearen abantailak ezagutzen al dituzu?

Alkatxofa oso barazki zaharra da, berdea edo morea izan daitekeena motaren arabera, eta ezaugarri ezin hobeak dituena. Testu honetan hura kontsumitzeak ematen dizkigun onuren inguruan ariko gara.

Alkatxofa kaltzio eta fosforo iturri bikaina da, baina beste mineral batzuk ere baditu, hala nola potasioa, burdina, magnesioa eta zinka. Baina ez hori bakarrik, barazki horrek dituen bitaminen artean B1 bitaminaren presentzia nabarmentzen da, baina baita C, B3, B5 eta B6 bitaminen kantitate txikiak ere.

Zinarina du, behazun-jarioa estimulatzen duen substantzia, koipeen digestioa errazten duena. Baina kontuz! Une horretan hartzen ari zaren koipeaz ari gara, hau da, alkatxofak jaten dituzun bitartean kontsumitzen duzunaz, ez gorputzean gordeta daukazunaz.

Zuntz aberatsa du eta odoleko glukosa murrizten laguntzen du, idorreriaren aurka babesten duen bitartean.

Fitoesterolak ditu, odoleko kolesterol-mailak kontrolatzen laguntzen dutenak.

Flavonoideak ditu. Horiek bihotzeko gaixotasunen aurka babesten dute eta ekintza antioxidatzaileak bultzatzen dituzte.

Inulina du, organismoan poliki-poliki metabolizatzen den karbohidratoa, glukosaren ordez fruktosa eratuz. Fruktosa intsulinaren beharrik gabe asimilatu daitekeen azukrea da, orburua diabetesa duten pertsonentzako elikagai bereziki mesedegarri bihurtzen duena.

Alkatxofen beste abantaila bat, prestatzeko oso errazak direla eta sukaldean joko asko ematen dutela da. Hamaika errezeta zoragarri daude haren onura guztiez gozatu ahal izateko.

• Temas
• euskera
• Janaria