Ager Solabarrieta, urrea Karabina Tiroko Munduko Txapelketan

Ager Solabarrieta tiratzaile ondarrutarrak Karabina Tiroko Munduko Txapeldunaren titulua berretsi zuen iragan ostiralean Liman (Peru), hamar metroko modalitatean ikusmen urritasuna duten pertsonentzat, bere esperientzia eta neurritasuna erakutsi zuen lehiaketa ikaragarri baten ondoren.

Solabarrietak buruz buruko postuetan hasi zuen finala, une oro Skracic kroaziarrak gidatuta lehiaketa erdira arte, une horretan bizkaitarra laugarren kokatu zelarik 14 jaurtiketa egin ondoren. Bere gidari Maite Badiolarekin batera, lasaitasun harrigarri batekin gora egin zuen, sei tiro falta zirenean lehen postuan jarri zen arte.

Bere aurkariak kanporatuak izan ziren bitartean, Solabarrieta hazten joan zen azken sei jaurtiketekin, bakoitzak hamar puntu gaindituta, eta 243,1 punturekin bukatu zuen. Horri esker, iazko azaroan Arabiar Emirerrietan lortutako munduko txapeldun titulua eskuratu zuen.

Solabarrieta azken tiroan Fran Skracic kroaziarra eta Katarzyna Orzechowska poloniarra izan zituen lagun podiumean. Lehiaketa amaitu ondoren Solabarrieta pozik eta pozarren agertu zen, besoak altxatuz eta momentuaz gozatuz. «Poztasun ikaragarria da titulu hau berreskuratu ahal izatea; ezin da hitzez azaldu, ez dago adjektiborik», esan zuen. «Nire atzean dagoen jende guztiari eskerrak eman nahi dizkiot honaino iritsi ahal izateko ezinbestekoa delako», azpimarratu zuen, hala nola, Espainiako eta Errioxako federazioak, haien teknikariak, psikologoak, fisioterapeutak eta, bereziki, Maite, «egunero mokoka eta lanean nirekin egoten dena».