Abadiñok Urkiolako San Antonio eguneko nekazaritza eta abeltzaintza azoka berreskuratuko du ekainean

Egia da programazioa oraindik ez dela itxi, baina Udalak nekazaritzako elikagaien eta abeltzaintzako produktuen azokan, txosnetan (2 jarriko dira) eta artisautza azokan postua eskatzeko epea ireki du jada. Halaber, antolatzaileek helarazi dute modu puntualean interesgarritzat jotzen diren eta azokaren helburuekin eta filosofiarekin bat datozen beste postu mota batzuek ere lekua izan ditzaketela.

Salmenta-postu bat eskatzeko epea maiatzaren 27ra arte egongo da zabalik, eta izen-ematea aurrez aurre egin ahal izango da San Trokaz Plazako udal bulegoetan edo posta elektronikoz (haz@abadiano.eus ). Izen-ematea ekainaren 13 eta 19rako egingo da, eta derrigorrezkoa izango da bi egunetan parte hartzea.

Barazkiak, txakolina, sagardoa, eztia, ogia, euskal pastela eta gozogintza, gazta, ahate eta antzara eratorriak, hestebeteak eta haragi-kontserbak ekoizten dituztenentzat egongo da azoka zabalik. Ohikoa denez, Durangaldeko ekoizleek, nekazaritza-ustiategian ekoitzitako lehengaiak erabiltzen dituztenek eta ekoizpen ekologikoa edo jatorri-deiturak (Eusko Label, Idiazabal, Bizkaiko Txakolina) dituztenek puntuazio handiagoa izango dute.

Postu eta txosnen esleipena eta funtzionamendua arautzen duten oinarri guztiak ezagutu nahi badituzu sakatu hemen: abadiño.org.