Gautxoria bazara, erabili app hauek

Horrela, asko dira kontaktuak blokeatzen dituztenak. Adibidez, Drunk Blocker. Honekin nagusia, ama, gustoko duzun neska edo gizona eta halakoei deitzeko aukera blokeatu dezakezu. Horrela ez diozu nahi ez duzunari deituko. Erabiltzeko erraza eta erosoa da oso.

Drunk Block, agian erabiliena, harago doa. Aurrekoak egiten duen ia guztia ere egiten du, baina gainera Facebook, Twitter, Snapchat, Whatsapp, Viber eta SMSak blokeatu daitezke honekin. App hauek erabili nahi badituzu, eta Drunk Block piztuta badaukazu, matematika problema bat ebatzi beharko duzu (hauen maila zure burmuinarenera egokitu dezakezu, noski). Hau guztia gutxi balitz, gorde dituzun azken kontaktuak ere ikusteko aukera ematen dizu erabilerak. Horrela, bart gauean ezagutu zenuen neska polit horren zenbakia aurkitzea errazagoa izango da, bere izena gogoratzen ez baduzu.

Eta zer esan 'Drunk Mode'z? Farreroentzako app definitiboa dela esan daiteke, Estatu Batuetan 'boom' bat da. Nahi dituzun kontaktuak 'izkutatzen' dizkizu, eta GPS bidez zure lagunen posizioa emateko gai da, Find My Drunk delako tresnari esker. Horrela ez zarete galduko! Gainera, teknologia honi esker askotan klabea den informazioa ere emango dizu: egon zinen lekuen erregistroa dauka eta. Etxerako bidea ere gordetzen du.

Telefonoarekin erabiltzeko alkoholimetroak ere existitzen dira, gaur egun. Breethometer , adibidez, 50 dolarren truke. Benetako alkoholimetroa da hau, smartphonera lotu daiteke jack sinple baten bidez, eta analisi azkarra egiten du. App-ak ere badira, Alcoholímetro bezalakoak. Hori bai, hauek dez dira hain fidagarriak: odolean daramazun alkohola gutxi gora behera soilik kalkulatu dezake. Zure datuak ematen dizkiozu eta gero edaten dituzun tragoen inguruko informazioa sartu behar duzu, horrela programak alkoholemia tasa kalkulatu dezan.