Zergatik nahi du Arabako Errioxak bereizitasun propioa?

Zergatik nahi du hegoaldeko euskal eskualde honek jatorri izendapen propio hau? "Bereizitasun argia lortu nahi da, gure produktuari balioa emateko", esan dio elcorreo.com-i upeltegi bateko kide batek. Izan ere, Rioja 'markapean' "asko dira dauden ardoak. Eta hauetako zenbaitek "ez dute gureak bezalako hainbesteko kalitatea", azaldu du. "Gure edarien izaera berezia da: klima, lurzorua eta horrelakoak direla eta".

Arabako diputatu nagusia izateko EAJren hautagaiak, Ramiro Gonzálezek, mahastizain eta ardogileekin "kudeaketarako eredu berria" proposatu zuen. Bi neurri zehatz aldarrikatzen ditu EAJk. "Lehena Euskal Autonomia Erkidegoak, Errioxan eta Nafarroak jatorri-deitura kudeatzeko eskumena hartzea da", aipatu du Gonzálezeek. "Jada 20 urte pasatu dira Euskadik kudeaketarako eskumena bere gain hartzeko lehenengo pausuak eman zirenetik, baina ez zuten emaitzarik izan gobernu zentralaren eta autonomia-gobernuren baten borondate faltagatik", esan du hautagai jeltzaleak. "Zentzu horretan, jatorri-deituraren administrazio-erabakiak erakunde eskudun eta hurbilenek hartzearen aldeko" apustua egin du Ramiro Gonzalezek, "horrela hobeto lagunduko baitzaio sektoreari". Arabako diputatu nagusi hautatzen badute, mahastizain, ardogile, elkarte eta beste administrazio batzuekin batera lanerako mahai bat martxan jartzea izango da, kudeaketarako eredu propio bat lortzeko, erakunde eskudunekin batera Errioxa jatorri-deituraren eredu berri bat zehazten lagunduko duena eta babes komuna mantenduz, Arabako Errioxaren jatorri-deitura propioa aurrera eramaten eta zehazten lagunduko duena".

EH Bilduk ere Arabako Errioxak "berezitasun argia" behar duela azpimarratu du azken astean, "Errioxako Jatorri Izendapenak eta Ardoaren Interprofesionalak ohikoa den gutxiespenari aurre egiteko". Adibide bezala Arabako Errioxaren "zonaldeordea etiketa handiago jartzeko erabakia behin eta berriro atzeratu dutela" aipatu dute. EH Bilduren ustez, "Errioxako Jatorri Izendapenaren barne, Arabako Errioxako Jatorri Izendapen propioa egon behar" da. Hau dena, "autogestionatua eta Jatorri Izendapena propioa lortzeko abiapuntu bezala ulertuta".

Gogoratu dutenez, Europak planteatu eta Alderdi Popularrak hitzik esan gabe babestu duen zuzen arauaren ondorioz, landatze prozesuaren liberazioari ekin diote eta horren ondorioz, Arabako Errioxaren kalitatea ez da bermatuko; bodega handien mesederako eta lege berri honi etekinak aterako dituztenen mesedetarako eginda dagoelako". "Beharrezkoa eta premiazkoa ikusten du nekazarien eta ardandegien arteko akordio globala lortzea, urtero mahatsen prezio duina finkatu ahal izateko. Horren helburua argia da, nekazariek egiten duten lana duintasunez ordaindua izatea", dio koalizio abertzaleak.