Bizkaiak hirugarren txapela nahi du

Biharkoa Rezustaren unea ere izan daiteke. Bergarako kirolariak ez du oraindik txapelketarik irabazi, eta horregatik biharko norgehiagoka oso garrantzitsua izango da berarentzat. «Ez dakit beste final batean parte hartzeko aukerarik izango dudan», onartu du Rezustak. Bere ondoan, Binakako bost txapela irabazi dituen pilotari bat izango du: Juan Martínez de Irujo. Iberokoak bere alde dauden estadistikak ahaztu nahi ditu eta arreta osoa jokoan jartzea nahiago du.

Emozioz beteriko norgehiagoka honetan zalantza bat argituko da. Atzo bertan onartutako legearen arabera, frontoietan ezin da alkoholik edan. Ez frontoietan ezta kirola praktikatzen den beste tokietan, futbol zelaietan, esaterako. Baina erretzea debekatu zenean gertatu zen bezala, ez dago oso argi pilota zale guztiek errespetatuko duten edo, behintzat, errespetatzeko gogorik izango duten.