Bikote onenen arteko finala

Apirilaren 9an ospatuko den Binakako Txapelketaren finalisten izenak ezagutzean, sorpresa gutxi egon ziren. Partidu sahiestezina zirudien. Izan ere, Aimar Olaizola eta Juan Martínez de Irujoren arteko norgehiagokak zenbaezinak dira. Hori bai, haien emaitzei eta mailari erreparatuz gero, argi dago txapelketako bikote onenak haienak izan direla. Haien ondoan Mikel Urrutikoetxea, Bizkaiari bi txapela eskaini dizkion pilotaria, eta Beñat Rezusta, Bergarako atzelari gaztea, izango dira.

Emozioz beteriko partidua izango da. Baina ez da hain erraza izango irabazleen izenak asmatzea. Izan ere, apustulariek momentuz ez dute oso argi nor aterako den garaile. Olaizolak eta Urrutik txapelketa bikaina egin dute eta elkar primeran ulertzen dutela argi geratu da jokatu dituzten partida guztietan. Baina estadistikak begiratuz gero, argi dago Binakako lehiaketetan Iberokoa dela nagusi. Goizuetako aurrelariaren aurkako final guztietan txapela Irujok jantzi du.

Aurreko astean Olaizola eta Urruti Bizkaia Frontoiko finalean egongo zirela jakin genuen. Irujo eta Rezustaren sailkapena ziurtatzeko, berriz, egun gutxi batzuk itxaron behar izan dugu. Igandean Bengoetxea eta Untoriaren aurkako ligaxkako finalaurrekoan nagusitu ziren. Lehenengo pilotakadatik gainera. Kantxara ateratakoan apirilaren 9an protagonista izan nahi zutela argi utzi zuten. Izan ere, Bengoetxea eta Untoria zortzi tanturekin konformatu behar izan zuten.

«Ehuneko ehuna eman dugun eta pozik nago. Bi bikote bikain hauen atzetik geratzea emaitza bikaina da guretzat», aitortu zuen Bengoetxeak partidua galdutakoan. Aurkariek ere argi daukate, emozioz beteriko 'borroka' izango da.